Espainiako Gobernuak energiaren gaineko zerga Europako tasara egokituko du
Maria Jesus Montero Ogasun ministroak ostegun honetan esan duenez, Espainiako Gobernuak Europar Batasunean ezartzen den tasara egokituko du enpresa energetikoen gaineko ezohiko zerga.
Antena 3 telebista katean egindako elkarrizketa batean ziurtatu du sekula ez dela Espainiaren eta Europaren artean inolako eztabaidarik izan gai horren gainean; are gehiago, aipatu du Espainia izan dela ekimen hori eraman duena, eta asmoa Europako zergara egokitzea izan zela hasieratik, behin hura definituta.
Horrela erantzun dio Ogasun ministroak Alberto Nuñez Feijooren hitzei; izan ere, PPko buruzagia konpainia energetikoei ezarriko zaien zerga berria babesteko prest agertu da, baldin eta Europaren proposamenarekin bat egiten badu. Espainiakoak diru sarrerak zergapetzen ditu, eta Europakoak, berriz, aparteko mozkinak.
"Feijoo jauna, zerga hori nola aurkeztu behar genuen jakin aurretik, ekimenaren kontra azaldu zen", esan du, eta orain, "alderdikideek aparteko irabazien gaineko zerga (energetikoena) onesten dutenean, jarrera aldatzea baino ez du".
Gainera, Monterok ziurtatu du Gobernua araudia aldatzeko lanean ari dela, komunitate-galdarek gasaren "faktura merkatzea ahalbidetzen duten neurrien onura jaso dezaten". Neurri hori kontingentzia-plana aurkezten denean ezagutuko da, baina ez du zehaztu BEZa % 5era jaistea ekarriko duen, erabiltzaile indibidualen kasuan bezala.
Calviño: "Europako Batzordearen proposamenak ezustean harrapatu du PP"
Bestalde, Nadia Calviño Espainiako Gobernuko presidenteorde lehen eta Gai Ekonomikoetarako eta Transformazio Digitalerako ministroak gogor kritikatu du PPk argindar konpainiei eta banketxeei ezarri nahi zaien zerga bereziaren kontra bozkatu izana Kongresuan.
"Gerrari erantzuteko neurrien harira duen jarrera ez da bateragarria PPk zuzentzen dituen beste gobernu europarrek dutenarekin, ezta Europako Batzordearekin edota Europako Alderdi Popularrarekin ere", deitoratu du. Ildo beretik, uste du Europako Batzordeak egindako proposamenak —energia enpresei % 33ko zerga— "ezustean" harrapatu duela PP. "Oso bakarrik ari dira geratzen", erantsi du.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".