Nafarroako Gobernuak 5.215 milioi eurora igo du 2023ko gastu muga, inoizko handiena
Nafarroako Gobernuak foru aurrekontuetarako gastu ez finantzarioaren muga onartu du 2023 ekitaldirako. Horrenbestez, 5.215,9 milioi euroko aurrekontua izango du, iaz baino % 9,4 handiago (449 milioi euro gehiago).
Nafarroak inoiz izan duen inbertsio publiko altuena izango da hurrengo urtekoa, Elma Saiz Nafarroako Gobernuko bozeramaile eta Ekonomia eta Ogasun kontseilariak prentsaurrekoan nabarmendu duenez.
Marka historiko horretan jarri du azpimarra kontseilariak. Saizen arabera, "Gobernu honek baliabide publikoen aldeko apustua egiten du, garapen ekonomikoa eta aurrekontu egonkortasuna bultzatzearren". Zehaztu duenez, kopuruan Europako funtsetatik heldutako 245 milioi euroak daude.
Ekonomia eta Ogasun Departamentuak egindako aurreikuspenen arabera, 2023an Barne Produktu Gordina (BPG) % 1,4 haziko da eta inflazioa apur bat jaitsiko, % 4,8an finkatuta.
Gastu muga osoa onartuta, Nafarroako Gobernuko Departamentu ezberdinek 2023rako gastu-proposamenak egingo dituzte datozen asteetan. Behin proposamen horiek jaso eta aztertuta, Nafarroako Gobernuak 2023rako Aurrekontu Orokorren Legearen aurreproiektua onartuko du.
Zirriborroak hainbat erakunderen oniritzia (Nafarroako Kontseilu Ekonomiko eta Soziala, Ingurumen Kontseilua eta Toki Araubideko Foru Batzordea) jaso behar du, testua lege proiektu gisa onartu aurretik. Ondoren, Nafarroako Parlamentura bidaliko da, eztabaida dezaten. ¿¿¿¿¿¿¿
Gainerako taldeekin egin beharreko negoziazioaz, Saizek esan du denekin hitz egiteko prest daudela. "Hemendik aurrera, departamentu guztiekin lan egingo dugu eta, ondoren, gainerako taldeei —siglarik ez du aipatu— eskua luzatuko diegu lortu beharreko adostasunak lortzeko".
Zure interesekoa izan daiteke
Osasun Ministerioak bi bilera egingo ditu aste honetan, medikuen grebari buruz hitz egiteko
Ostegunean Greba Batzordearekin bilduko da, mobilizazioak eragin dituzten gatazka-puntuak aztertzeko. Ondoren, ostiralean, egoeraren berri emango die autonomia-erkidegoei Osasun Sistema Nazionaleko Lurralde arteko Kontseiluan.
Tubos Reunidosek enplegu-erregulazioko espedientea aurkeztu du, eta 285 kaleratze iragarri
200 langile baino gehiago (152, Amurrion, eta 53, Trapagaranen) hitzartutako kaleratzeen bidez egotziko dituzte. Aldi baterako kontratudun langileak (80 bat), ordea, hilaren amaieran kaleratuko dituzte.
Tubos Reunidos onbideratzeko aukera txikiena ere esploratzeko eskatu dio Otxandianok Jaurlaritzari, enpleguaren aldeko konpromisoari azkenera arte eusteko
Pello Otxandiano EH Bilduren bozeramaileak Euskadi Irratian egin dioten elkarrizketan adierazi duenez, gaur bertan ELA, LAB, CCOO eta UGT sindikatuen idazkari nagusiekin harremanetan jarriko da hizkuntza eskakizunen aferari irtenbidea emateko EH Bilduk planteatzen duen proposamen zehatza aurkezteko; EAJk eta PSE-EEk mahai gainean daukate dagoeneko.
Osasun mentala eta itxaron-zerrendak, Nafarroako lan-absentismoaren gorakadaren gakoak
Langileen % 67k ez zuen bajarik izan 2025ean, baina talde txiki batek biltzen ditu absentzia-egun gehienak, Absentismo Barometroaren arabera.
Esportazioak eta inportazioak % 4,5 eta % 6,1 murriztu dira, hurrenez hurren, urtarrilean Euskadin
2026ko lehenengo hilabeteko saldo komertziala positiboa izan da, 113,2 milioi eurokoa, eta esportazioen eta inportazioen arteko harremana neurtzen duen indizea % 105,5ekoa izan da.
Brenta % 13 jaitsi da, kolpetik, Trumpek Irango erasoak etengo dituela iragartzearekin bat; 100 dolar ingurura itzuli da gero
Trumpen iragarpena islatu egin da Ibex 35ean, saio erdian lehengoratu eta % 1,08 igo da, 16.893,9 punturaino.
Confebask ez da joango ELAk eta LABek gutxieneko soldata propioa negoziatzeko biharko deitutako bilerara
Patronalak argudiatu du EAEko Auzitegi Nagusiak ebatzi zuela afera hori negoziatzea "legez kanpokoa" zela. Batzarra bihar, M17ko greba orokorra egin zenetik astebetera, egin asmo zuten bi sindikatu abertzaleek. Hain justu, Confebasken ezezkoa "probokaziotzat" jo dute biek ala biek, eta Jaurlaritzari "ekidistantziak bilatzeari" uzteko eskatu diote. Azken horrek elkarrizketarako deia egin die bi aldeei.
Osasun Ministerioak apirilaren 9rako deitu ditu autonomia erkidegoak medikuen grebaz hitz egiteko
Ostiral honetan ohiko osoko bilkura egingo dute pazienteen eta Osasun Sistema Nazionalaren kudeaketa publikoaren lege aurreproiektuen berri emateko.
Lanbidek aurreikusten du martxoa enplegu-datu positiboekin amaituko dela: "Oraindik ez dira nabaritzen krisi geopolitikoaren ondorioak"
Francisco Pedraza Lanbideren zuzendari nagusiak, Radio Euskadin egindako elkarrizketan, adierazi du "zalantza asko" daudela "epe ertainera begira".
Erregaiaren prezioek behera, astelehenari ekiteko, krisiaren aurkako neurriak igandean indarrean sartu ostean
Zerbitzugunearen arabera, erregaien prezioak litroko 15-20 zentimo jaitsi dira. Neurriak jada indarrean dauden arren, Diputatuen Kongresuak onartu beharko ditu; datorren ostegunean, martxoaren 26an, bozkatuko dituzte neurriak.