Zupiriak, Escrivaren adierazpenen harira: "Gure sistema berezia da, ezin du alde batek bere kasa aldatu"
Jose Luis Escriva Espainiako Gobernuko Gizarte Segurantzako ministroak egindako adierazpenei erantzun die Bingen Zupiria Eusko Jaurlaritzako bozeramaileak. Escrivak zergak zentralizatzea proposatu du, erkidegoen arteko gerra fiskalik egon ez dadin. Horren aurrean Zupiriak azpimarratu duenez, EAEko zerga sistema "berezia da, Espainiako Konstituzioan aurreikusia dago, eta Autonomia Estatutua du oinarri. Ezin lezake alde batek bere kasa eta bere erara aldatu".
Gobernu bileraren osteko prentsaurrekoan, Escrivaren proposamenaz galdetu diote eledunari. Horren hitzetan, "sistemak beti izan behar du bi aldeen akordioaren fruitu. Beraz, edozein momentutan Espainiako Gobernuak pentsatzen badu zerbaitetan aldatu behar dela harreman fiskal hori, bada, mahai batean proposatu beharko du, eta bi aldeen artean adostu beharko dute. Guk dakigula, horrelako proposamenik ez da egon".
Andaluziako Gobernuak ondare zerga bertan behera utzi duela eta, Jaurlaritzako bozeramaileak azpimarratu du EAEko erakundeen asmoa ez dela "aberatsen atzetik ibiltzea". Ondare zerga indarrean dago EAEn, eta emandako datuen arabera, 16.000 zergadunek ordaintzen dute, biztanleriaren % 0,18k. Foru ogasunek 150 milioi euro biltzen dituzte zerga horren bidez.
EAEk duen zerga sistema eta Andaluziak ala Madrilek dutena alderatu du Zupiriak. "Gurea arrisku beteko eredua da, aparteko disziplina eskatzen du diru sarreren eta gastuen arteko orekari eusteko", azaldu du. Beste erkidegoetan, ordea, "euren diru sarreren zati handiena Estatuko Gobernuak ematen diena da, eta oso zati txikia da zerga bidez biltzen dutena".
Jaurlaritzaren iritzian, gaur gaurkoz, diru sarrera maila jakin bat lortzeko zerga politika "orekatuak" garatu behar dituzte ogasunek, eta neurriak hartzekotan, "epemugarekin" hartu behar dituzte, "segurtasun giroa" sortzeko.
Albiste gehiago ekonomia
Espainiako Gobernuak baztertu du aireportuen kudeaketa osorik Euskadira transferitzea
Diario Vasco egunkariak argitaratu duenez, Eusko Jaurlaritzak erabaki estrategikoetan iritzia eman ahal izatea proposatu du Espainiako Gobernuak, baina eskualdatzea osorik egitea baztertu du, Estatuaren eskumen esklusiboa delako.
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.