2019ko turismo datuak hobetu ditu EAEk: hoteletan izandako sarrerak % 14 hazi dira
Euskadik 2019an turismo arloan izandako datu onak hobetu ditu aurten, bai behintzat hotelei dagokienez. Izan ere, hotel-establezimenduetan izandako turisten sarrerak % 13,9 hazi dira, duela hiru urtekoekin alderatuta. Hala jaso du Eustat Euskal Estatistika Institututak gaur, asteazkenarekin, kaleratu duen Establezimendu turistiko hartzaileen inkestak (hotelei bidalitako galdeketa bat du oinarri).
Zehazki, uztailean eta abuztuan, 780.797 pertsonak hartu dute ostatu Euskal Autonomia Erkidegoko (EAE) hoteletan. Datua 2019ko marka (685.117 lagun) ondu du, baita, are nabarmenago, 2021ekoa ere (649.848 pertsona, % 20,1 gehiago).
Ildo beretik, ostatu gauek ere gora egin dute udako bi hilabeteotan. Aurten 1.605.078 izan dira, 2019an baino % 8,9 gehiago eta 2021ean baino % 18,9 gehiago.
Udako bi hilabeteotan Euskadiko hoteletan izan den okupazio mailak erakusten du, halaber, berreskuratu egin dela hoteletako aktibitatean, gelen % 83 egon baita betetan.
Lurraldeka, Gipuzkoan % 87,8koa izan da okupazioa, % 80,3koa BIzkaian eta % 78,6koa Araban.
Abuztuan bakarrik, ia 400.000 turista izan dira Euskadiko hoteletan, eta 2019ko hilabete bereko, zenbatekoa gainditu du, covid aurreko azken abuztu horretan 357.035 bisitari hartu baitzuten ostatu hoteletan.
Abuztuko sarreren % 49 eta ostatu gauen % 45,1 turista atzerritarrenak izan ziren, 2021eko abuztuko datuak (%31,2 eta % 27 hurrenez hurren) nabarmen gainditzen dituzten zenbatekoak; neurri apalagoan bada ere, 2019ko datuak ere gainditu dira, orduan % 47,9 eta % 43,5ekoak izan baitziren, hurrenez hurren, atzerriko bisitarien sarrerak eta gaualdiak.
Bizkaian igo dira gehien sarrerak, iaz baino % 17,3 gehiago; Araban % 13 igo dira eta Gipuzkoan % 3,9. Ostatu gauek ere tankera berean egin dute gora, % 9,8 Bizkaian, % 7,4 Araban eta % 5 Gipuzkoan.
Hiriburuei dagokionez, Bilbon eta Gasteizen igo dira gehien sarrerak, % 18,4 eta % 14,9, hurrenez hurren; Donostian ere igo dira, baina neurri apalagoan, % 3,6.
2022ko abuztuan, batez besteko egonaldia 2,11 egunekoa izan da Euskadin, 2021eko hilabete berean baino baxuagoa, orduan 2,18koa izan baitzen.
Albiste gehiago ekonomia
EAEko familiek inoiz baino gehiago gastatu dute ostalaritzan, 4.207 euro
Euskadiko etxeetako batez besteko gastua egonkor mantendu zen 2024an, baina aisiak eta jatetxeek pisua hartzen jarraitzen dute elikaduraren, garraioaren eta irakaskuntzaren aldean.
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.
Zenbateko potentzia elektrikoa behar du Euskadik?
Industria, Trantsizio Energetiko eta Jasangarritasun Sailak 6.000 MW gehiago eskatu ditu bere sarean, helburu industrialak eta deskarbonizazioa betetzeko.
Eusko Jaurlaritzak eta banku-erakundeek gazteentzako lehen etxebizitza eskuratzeko abalen programa jarri dute abian
Kutxabankekin, Laboral Kutxarekin eta Abancarekin ekin zaio programari, oraingoz lankidetza-hitzarmena sinatu dutenekin; baina, zabalik da erakunde gehiagok bat egin ahal izango dutela aurreikusten da. Finantzatu beharreko etxebizitzen erosketa-prezioa ezin izango da 340.000 eurotik gorakoa izan.
Albiste izango dira: Ustelkeriaren aurkako txostena Nafarroan, sare elektrikoari buruzko bilera Madrilen eta Venezuelako ontzi bati erasoa
Gaurkoan Orain-en albiste izango direnen laburpena, bi hitzetan.
Euskal gehiengo sindikalak pentsiodunen mobilizazioarekin bat egin du Herri Ekimen Legegilea izapidetzea eskatzeko
ELA, LAB, ESK, Steilas, Hiru eta Etxalde ere mobilizatuko dira irailaren 20an EAJri eta PSE-EEri beren jarrera "zuzentzeko" eta gutxieneko pentsioa gutxieneko soldatarekin parekatzeko ekimena izapidetzea eskatzeko.
Euskadiko inbertsio elektrikoa aztertzeko bilera izan du Jauregik Espainiako Energia idazkariarekin
Joan Groizard Energiaren Estatu idazkariarekin batzartu da Jauregi, 2025-2030 aldirako elektrizitatea garraiatzeko sarea planifikatzeko proposamenaren barruan sare elektrikoetan egingo den inbertsioari buruz eta horrek Euskadin izango duen eraginaz mintzatzeko.