Hauek dira Espainiako Gobernuak iragarritako neurri fiskal berrien gakoak
Espainiako Gobernuko Ogasun ministro Maria Jesus Monterok hainbat neurri fiskalen berri eman du ostegunean. Gobernu espainiarrean koalizioan dauden PSOE eta Unidas Podemos alderdiek adostu dituzte neurriak 2023ko Aurrekontuei begira. Hona hemen neurrien gakoak:
-Aberastasun handien gaineko zerga berriak 3 milioi eurotik gorako aberastasun garbia zergapetuko du.
-Zerga berri hori 2023an eta 2024an ezarriko dute, eta hiru tarte izango ditu: aberastasun garbiko 3-5 milioi euro artean, % 1,7 ordainduko dute; 5-10 milioiren artean, % 2,1; eta 10 milioitik gora, % 3,5.
-Zerga berriarekin, Ondarearen Gaineko Zergan kendurak egin ahalko dituzte. Espainiako Gobernuaren aurreikuspena da 1.500 milioi euro biltzea. 23.000 zergaduni eragingo die, alegia, guztien % 0,1i.
-Puntu bat igoko dute, % 27raino, Pertsona Fisikoen Errentaren gaineko Zergan kapitaleko errentak 200.000 eurotik gorakoak direnean.
-300.000 eurotik gorako gainbalioetarako, % 28raino igoko dituzte, bi puntu gehiago.
-Pertsona Fisikoen Errentaren gaineko Zergan, neurriak onartuko dituzte errenta ertainei eta baxuei mesede egiteko: hala, egun 18.000 eurora arteko errentetan ezartzen duten onura fiskala 20.000 euroetara igoko da. Neurri horren bidez, 1.881 milioi euro aurreztuko dituzte zergadunek guztira. Urtero 18.000 euro irabazten dituen langile batek, seme-alabarik ez badu, urtean 746 euroko aurrezte fiskala izango luke; beraz, % 40 gutxiago ordaindu beharko luke.
-15.000 euroetatik gorako lan errentek, alegia, egun baino 1.000 euro handiagoek, ez dute izango zertan Pertsona Fisikoen Errentaren gaineko Zerga ordaindu.
-Sozietate zerga % 23ra jaitsiko dute milioi bat euro baino gutxiago fakturatzen duten enpresa ertain eta txikien kasuan. Gainera, denbora muga jarriko dute enpresa talde handiek aurreko ekitaldietan izandako galeretako kenduretan.
-Sozietate zerga jaisteak 407.000 enpresari egingo dio mesede. 292 milioi euro aurreztuko dituzte.
-Finkatutako talde handiek galeren % 50 soilik kendu ahal izango dituzte 2023an; hori bai, 2024an gainerakoa ezarri ahalko dute. Hala, 2023an eta 2024an diru bilketa 2.439 milioi euro handiagoa izango da. Neurriak 3.609 enpresari eragingo die, hau da, guztien % 0,2ri.
-Espainiako Gobernuak iragarritako neurrien bidez, onura fiskal garbiak 3.144 milioi eurokoak izango dira hurrengo bi urteotan.
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.