Indarrean sartu da gas naturalaren BEZaren jaitsiera
Larunbatean sartu da indarrean Espainiako Gobernuak onartutako gas naturalaren fakturan BEZ % 21etik % 5era jaisteko erabakia, kontsumitzaileak babesteko, Errusiak Ukraina inbaditu ondoren Europak jasaten duen energiaren prezioen gorakadak markatutako testuinguruan.
Neurria urte amaierara arte egongo da indarrean, baina data horretatik aurrera luza daiteke, eta 210 milioi euroko aurrezpena ekarriko die familiei eta enpresei, Espainiako Gobernuaren hitzetan, eta bost eta hamar euro artekoa hilean, kontsumoaren arabera, Facua kontsumitzaileen elkartearen esanetan.
Komunitateetako galdaretarako gas naturalean ere aplikatuko da beherapena, baldin eta, darabiltzaten bolumenak direla-eta, tarifa arautua baliatu ezin badute. Espainiako Gobernuak tarifa horren igoera % 5era mugatzen du hiruhileko bakoitzeko, baita ezpalak, pelletak eta egurra erosteko ere.
Komunitateei dagokienez, Espainiako Gobernuak denbora darama gas-galdara zentralizatua duten jabekideen erkidegoei irtenbide bat eskaintzeko lanean, ziurrenik "kontsumo mota horretarako berariazko irtenbide baten" bidez, gasa hain garestia den bitartean energiaren prezioari eusteko sistema bat ere izan dezaten.
Neurri berri horrekin batera, argindarraren fakturaren zergak ere jaitsi egin dira, eta, ondorioz, karga elektrikoak % 80ra arte murriztu dira.
Joan den ekainetik, argindarraren fakturak % 5eko BEZa du, Gobernuak lehenengo % 21etik % 10era jaitsiko baitzuen, eta, ondoren, egungo tasaraino, zerga horren araudian ez baitago halakorik, baina Europako zuzentarau berri bat ahalbidetzen du.
Gainera, indarrean daude elektrizitatearen gaineko zerga berezia % 0,5era murriztea eta elektrizitatea sortzeko zerga etetea ere, eta neurri horiek, BEZaren murrizketarekin batera, 1.800 milioiko kostua dute Estatuarentzat hiruhileko bakoitzean, Espainiako Gobernuaren arabera.
Era berean, ekainaren 15etik aurrera, "iberiar salbuespena" deritzona martxan dago, elektrizitatea sortzeko gas naturalaren prezioa mugatzen duena, eta handizkako merkatuan elektrizitatearen prezioa merkatzeko aukera ematen duena.
Zure interesekoa izan daiteke
Gaur hasiko da errentaren kanpaina Araban eta autolikidazio proposamenak onartu ahal izango dira
Arabako Foru Aldundiaren aurreikuspenen arabera, aurten 202.576 pertsona inguruk egingo dute errenta aitorpena Araban, eta horietatik % 70 inguru herritarrei dirua itzultzeko izango dira. Kanpaina ekainaren 25ean amaituko da eta gehien erabiliko den modalitatea 'Rentafacil' izango da.
Tubos Reunidoseko enpresa batzordeak "inplikazioa" eskatuko dio Jaurlaritzari, asteazkenean egingo duten bileran
Gorka Abascal ESK sindikatuko ordezkari eta enpresa batzordeko kideak adierazi duenez, bilerara jarrera positibo eta arduratsuarekin joango dira, Eusko Jaurlaritzaren eta Espainiako Gobernuaren arteko negoziazioak nola doazen ezagutzeko asmoz. Enpresak bere zorraren erdia Espainiako Gobernuarekin dauka, zehazki, SEPI Industria Partaidetzarako Espainiako Sozietatearekin.
1.033.410 kotizatzaile zeuden martxoan Euskadin, otsailean baino 5.003 gehiago eta 2025eko martxoan baino 10.971 gehiago
Langabeziari dagokionez, martxoan 107.173 pertsona zeuden Lanbiden erregistratuta, otsailean baino 179 gehiago eta duela urtebete baino 1.141 gutxiago. Nafarroan ere igo egin da afiliazioa, eta langabezia, berriz, jaitsi, eta 2008tik izandako daturik onenak izan dira Foru Erkidegoan.
"Handling" zerbitzuko langileek beste greba egun bat dute gaur, eta 175 hegaldi daude programatuta Loiun
Lanuzteak egingo dituzte txanda guztietan. Joan den astelehenean 90 minuturainoko atzerapenak izan ziren, eta hegaldiren bat bertan behera geratu zen.
Gasteizko Aireportuko aparkalekuak doakoa izateari utziko dio 2027tik aurrera
Aenaren arabera, aireportuaren jarduera "nabarmen" hazi da, eta horren ondorioa izan da erabakia. Ramiro Gonzalez Arabako diputatu nagusiak esan du hedabideen bidez izan duela erabakiaren berri.
Tubos Reunidoseko langileek enplegu-erregulazioko espedientea bertan behera uztea eta erakundeen inplikazioa eskatu dute
Amurrioko lantegiko Tubos Reunidoseko langileek manifestazioa egin dute asteazken honetan, 242 kaleratze proposatzen dituen enplegu-erregulazioko espedientearen aurka. Bilbon egindako mobilizazio batean, sindikatuen ordezkariek gutun bat aurkeztu dute enpresaren bulegoetan, espedientea bertan behera uzteko eskatuz.
Nafarroako Gobernuak Irango gerraren ondorio ekonomikoak arintzeko laguntzak iragarri ditu
Hasiera batean, harmonizazio-dekretu bat onartu dute, estatuko neurriak foru-araudira egokitzeko, baina aurreratu du neurri fiskal propioak lantzen ari dela, hala nola, PFEZren ordainketak atzeratzea.
Etxeko hegaztien ustiategietan ezarritako konfinamendua kendu dute, partzialki
Arrisku eta zaintza bereziko eremuetan mantendu egingo da neurria: Nafarroan, 12 udalerritan jarraituko dute etxaldeetako hegaztiek konfinatuta, eta EAEn, sei herritan.
Aldundiek neurri fiskalak iragarri dituzte Irango gerraren eragina arintzeko
Hartutako neurrien artean daude zerga-zorrak salbuespenen epeak luzatzea, PFEZren ordainketa zatikatuak egitetik salbuestea eta BEZaren itzulketen izapideak azkartzea, enpresei finantzaketa handiagoa eskaintzeko.
EBk telelana sustatzea, abiadura mugak murriztea eta hegazkinez bidaiatzea saihestea proposatu du, erregaia aurrezteko
Dan Jorgensen Energia komisarioak azpimarratu du arreta berezia jarri behar dela garraio sektorean, eta jardunbide onen dekalogo bat proposatu du, energia krisiari aurre egiteko. Esan duenez, Ekialde Hurbileko gatazkaren ondorioek luze joko dute.