Arabako ardoak bereiztearen aldekoa da Urtaran, "kantitatearen aurrean, kalitatea mimatzen dutelako"
Gorka Urtaran Gasteizko alkatea Arabako ardoak bereiztearen alde agertu da, atzo Jaurlaritzak Arabako Mahastiak jatorri izena baimendu zuela eta. Horren ustez, "gurea lurralde nahiko txikia da, eta ezin gara kantitatean lehiatu, baina bai kalitatean". "Gure ardoak mimo handiz eginak dira, mahats-mordo bakoitza tratatu, maitatu eta mimatzen dugu", erantsi du.
Radio Euskadiren "Boulevard" saioan egin dioten elkarrizketan, datuak eman ditu bere jarrera azaltzeko: "Arabako Errioxak 13.500 hektarea ardo ditu gutxi gorabehera; Errioxako Erkidegoak, aldiz, 40.000". Defendatu duenez, Arabako ardoak bereiztu behar dira, eta ildo horretan, Errioxako Izendapenaren barruan sor-marka propioa edukitzea egokitzat jo du, Bordelekoekin (Frantzia) egiten den bezala. Bestalde, Errioxako Nekazaritza kontseilariaren zein Errioxa Jatorri Izen Kalifikatua Arautzeko Kontseiluaren jarrerak "gehiegizkoak" direla esan du. "Hau ez da politika", azpimarratu du.
Udal hauteskundeetan Gasteizko Alkatetzarako EAJren hautagai izango ote den galdetuta, oso zuhur agertu da. "Laster EAJren ABBak bere proposamena iragarriko du. Besterik ezin dut esan", adierazi du, baina "oso lasai" dagoela gehituta.
Azkenik, Bernando Ciriza Nafarroako Lurralde Kohesiorako kontseilariak AHTaren eta Nafarroaren arteko loturaren inguruan egin dituen azken adierazpenez mintzatu da Urtaran. Cirizak atzo esan zuenez, lotura Ezkio-Itsasotik (Gipuzkoa) egiteak "ziurgabetasuna" eragiten du. Urtaranen irudiko "euskal herritarrei egindako iraina" dira adierazpenok. "Ezin dira konexioez mintzatu EAEko azpiegituran horrenbesteko atzerapena dagoenean", arrazoitu du. Aitortu duenez, Gasteizko alkate moduan berak nahiago du Arabako hiriburutik egitea lotunea, baina behin betiko erabakia "txosten teknikoen arabera" hartu beharko da.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.