EUROPA
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Interes-tasak 0,75 puntu igo ditu Europako Banku Zentralak, 2009tik mailarik altuenera

Hala, hirugarren aldiz jarraian ingo ditu interes tipoak EBZk; uztailean 0,5 puntu igo zituen eta irailean 0,75. Inflazioari aurre egiteko neurri gisa hartu dute erabakia.
BCE. Imagen de un vídeo de EITB Media
El BCE dejará de comprar deuda en verano
author image

AGENTZIAK | EITB MEDIA

Azken eguneratzea

Europako Banku Zentralak (EBZ) 0,75 puntu igo ditu interes tipoak, % 2raino. Aurreikusitakoa bete da, eta diruaren prezioa 2009tik mailarik altuenean dago.

Azken honekin, hirugarren aldiz jarraian ingo dituzte interes tipoak: uztailean 0,5 puntu igo zituzten, eta irailean 0,75. Eurogunean inflazioari aurre egitea da helburua.

EBZko Gobernu Kontseiluak azaldu duenez, "moneta politika lehengora moldatzen" ari denaren zantzuak badituzte, baina, oraindik, ez dute baztertzen tipoak berriro igotzea, harik eta inflazioa % 2ra jaitsi arte. "Inflazioa, oraingoz, altuegia" dela esan du erakunde horrek, eta "babes-neurri" gisa aurkeztu ditu tasen igoerak. 

Halaber, kreditu erraztasun marginalak (finantza erakundeei dirua maileguan emateko baremoa) ere 0,75 puntuko igoera izango du, % 2,25ean kokatuz. Gordailurako erraztasuna, berriz, % 1,5ean geratu da.

Christine Lagarde EBZko presidentea ezkor agertu da ekonomiak Eurogunean duen bilakaeraren aurrean. 2022ko laugarren hiruhilekoan "ekonomiaren bilakaera are gehiago okertzea" litekeena dela esan du, eta energiaren prezioen ondorio jo du egoera. "Energiaren prezioek gora egin orduko, errenta erreala higatu egiten da, kostuak igo, gastua murriztu eta konfiantza kaltetu", adierazi du.

Abenduaren 15erako deitu du hurrengo batzarra EBZren Gobernu Kontseiluak, eta ezusterik ezean, tipoak are gehiago igoko dituzte hitzordu horretan.

 

Ekonomia Eguneko Titularrak Europako Banku Zentrala

Albiste gehiago ekonomia

GRAFCAV8905. VITORIA (ESPAÑA), 18/06/2025.- La empresa adjudicataria del mantenimiento de los jardines de Vitoria se ha visto obligada a realizar servicios mínimos tras dos meses de huelga. En la imagen uno de sus trabajadores segando el césped del parque de la Florida de Vitoria. EFE/ADRIAN RUIZ HIERRO
18:00 - 20:00
ZUZENEAN
Duela  min.

Gasteizko lorezainak lanera itzuli dira, gutxieneko zerbitzuak betetzeko

Gasteizko lorezainak lanera itzuli dira gutxieneko zerbitzuak betetzeko. Florida parkeko belarra mozten hasi dira. Belarra mozteko bost makina eta sasiak garbitzeko beste pare bat makinarekin ia hiru hilabetez ukitu gabe egon diren lorategiak zaintzen hasteko agindua jaso dute. Ezarritako zerbitzu minimoak gehiegizkoak eta justifikazio gabeak direla salatu dute lorezainek.

Gehiago kargatu