Euskadik 400 milioi jaso ditzake bi urteren buruan, energia konpainiei eta bankuei ezarritako zergen truke
Euskadik, bi urteren buruan, 400 milioi euro inguru jaso ditzake energia konpainien eta bankuen gaineko aldi baterako zergetan parte hartzeagatik. Hala aurreratu du Pedro Azpiazu Ekonomia eta Ogasun sailburuak Ekonomia Itunaren Batzorde Mistoa modu telematikoan bildu ondoren.
Bileraren helburua dirutza handien gaineko aldi baterako solidaritate zerga ituntzea izan da. Halaber, erabaki dute Euskadik parte hartzea energiaren aldi baterako kargan, baita kreditu erakundeentzako zein kredituko finantza establezimenduentzako aldi baterako kargan ere.
Hala, ondarearen gaineko zergaren osagarria den fortuna handien gaineko aldi baterako solidaritate zergari buruzko akordioaren ondoren, Euskal Ekonomia Itunean araudi autonomoko zerga itundu gisa sartuko da, zerga hori sortu duen Estatuko Legearen indarraldi berarekin.
Bestalde, energiaren aldi baterako kargan, eta kreditu erakundeentzako zein kredituko finantza establezimenduentzako aldi baterako kargan parte hartzeari dagokionez, Estatuko Administrazio Orokorrak finantzaketa emango dio Euskadiri, Ukrainako gerrak eta covidak eragindako eskaintza eta hornidura arazoek ekarri dituzten ondorio ekonomiko eta sozial apartekoei aurre egiteko.
Aipatutako figurek 2023an eta 2024an sortutako diru sarreren bolumenaren % 6,24koa izango da finantzaketa hori, eta kupoa ordaintzeko epeetan konpentsatuko da. Ordainetan, Euskadik bere gain hartuko du, osorik, bi kargen bidez soilik finantzatzen diren Estatuaren laguntzen definizioa eta kudeaketa.
Espainiako Gobernuaren aurreikuspenen arabera, energien eta bankuen aldi baterako zergen bidez Estatuak 6.500 milioi euro inguru bilduko ditu, Maria Jesus Montero Ogasun ministroak bileran parte hartu duen EAEko ordezkaritzari azaldu dionez.
Kopuru hori Ukrainako Gerrak eta pandemiak eragindako eskaintza- eta hornidura-arazoek eragindako "aparteko ondorio ekonomiko eta sozialei" aurre egiteko erabiliko da.
Azpiazuk gogora ekarri du "erabakita" dagoela eta "zehatzagoa" dela Europako "araudiaren arabera". "Euskal erakundeak Europaren eskakizunetara egokituko gara; funtsean, energia-kontsumoa murriztera, energia berriztagarrien kontsumoa bultzatzera eta kontsumo intentsiboko enpresei eta sektoreei laguntzera bideratutako neurriak izango dira", gogorarazi du.
Bigarrenak, kreditu-erakundeei eta finantza-establezimenduei ezarritakoak, ez dira hain mugaturik, eta EAEko erakundeek "Euskadin beharrezkoa dena" baloratuko dute.
Dirutza handien gaineko zergak bi urtez zergapetuko ditu 3 milioi eurotik gorako ondareak, 700.000 euroko gutxieneko salbuetsiarekin.
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.