Pentsioen erreformak murrizketak onartu eta 2011koak finkatzen dituela salatu du ELAk
Espainiako Gobernuak CCOO eta UGT sindikatuekin adostu duen pentsioen erreformak murrizketak jasotzen ditu, Zapaterok, UGTk eta CCOOk 2011n onartutakoak egonkortzen ditu eta etorkizunean ere egon daitezen errazten du, ELAren arabera.
ELAk ezinbestekotzat jo du erantzun bat ematea, eta mobilizazioak iragarri ditu apirilaren 4an, Bilbon eta Iruñean, erreforma errefusatzeko eta diru sarrera nahikoak bermatuko dituen pentsio publikoen sistema bat eskatzeko.
Sindikatuak prentsaurrekoa egin du gaur goizean Donostian, pentsioen erreformaren balorazioa egiteko. Mitxel Lakuntza ELAko idazkari nagusiak esan duenez, murrizketarik gabeko erreforma dela dioen bertsio ofiziala ez da egia. Batetik, Lakuntzaren hitzetan, "50 urtetik beherako pertsona guztiei pentsioa kalkulatzeko kontuan hartzen den urte kopurua handitzen zaie, hau da, pentsio berrien zenbatekoa murrizten zaie". Bestetik, Lakuntzak salatu du pentsioetan gastu muga bat jartzen dela ezkutatu nahi dutela, eta 2025etik aurrera eta 3 urtean behin, aurrekontu-egonkortasunaren printzipioa bermatzea helburu duen AIReF erakundeak egokitzat jotzen dituen neurriak proposatu ahal izango dituela, "murrizketei ateak zabalduz".
Espainiako Gobernuak pentsioen erreforma egiteko Europar Batasunarekin lortutako akordioa "erabat" gauzatu ez bada ere, Sanchezen gobernuak, "pentsio duinak" bermatzeko, "harago" joan behar zuela uste du Lakuntzak.
Ezkerraren eginkizunari dagokionez, Lakuntzak aitortu du okerragoa litzatekeela Unidas Podemosen eta EH Bilduren oposiziorik gabe. Dena den, aurka bozkatzeko deia egin die alderdi politiko horiei, erreformaren elementu "atzerakoienei" eusten bazaie eta 2011ko murrizketetan atzera egiten ez bada.
Zure interesekoa izan daiteke
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.
Espainiako Gobernuak diesela 20 zentimo jaitsiko du irailean, uztailean prezioak gora egin ostean
KPIa lau hamarren igo da uztailean, % 3,6raino Espainia osoan, erregaien eta elektrizitatearen garestitzeak bultzatuta. EAEn, hazkundea bost hamarrenekoa izan da, % 3,7raino. Nafarroan, aldiz, zazpi hamarrenekoa, % 3,4ra arte.
HLREk Megapark merkataritza-gunea saldu dio NEPI Rockcastleri, 254 milioi euroren truke
Akordio honek, NEPI Rockcastlek Europako merkataritza-zentroen sektorean duen presentzia indartuko du, eta Bizkaian erreferentziazko aktibo nagusietako bat gehituko dio bere merkataritza-ondareari.
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.