Greba deitu dute apirilaren 18, 19 eta 20rako Nafarroako adinekoen egoitzetan
ELA, LAB eta UGT sindikatuek hiru greba-egun deitu dituzte Nafarroako adinekoen egoitzetan. Apirilaren 18, 19 eta 20rako dira deialdiak, eta sektoreko hitzarmenaren negoziazioa blokeatuta dagoela aipatu dute.
Patronalen, Nafarroako Gobernuaren eta sindikatuen arteko azken bilera urtarrilaren 26an izan zen. Bilera hartan patronalak aurkeztu zuen proposamena atzera bota zuten negoziazio-mahaian eseritako sindikatu guztiek. Horien esanetan, sektoreko langileentzako "baldintza duinak jasotzen zituen proposamen bat egiteko eskatu zieten patronalei", baina gaur-gaurkoz, "ez patronalek ez Nafarroako Gobernuak ez dute eskaerei erantzuteko borondaterik agertu".
2021eko maiatzean hasi ziren Nafarroako Hirugarren Adinekoen Zentroen sektoreko hitzarmena negoziatzen. ELA, UGT eta LAB sindikatuek proposamen bateratu bat adostu eta aurkeztu zuten. Langileek "lan-baldintza duinak izango dituen eta hirugarren adinekoei zerbitzuaren kalitatea bermatuko dien hitzarmen kolektiboa" aldarrikatzen dute.
Sindikatuek mobilizatzeko deia egin diete langileei. Alde batetik, kontzentrazioak egingo dira martxoaren 24an Parlamentuan eta 29an Nafarroako Jauregian. Horrez gainera, elkarren segidako hiru greba-egun deitu dira apirilaren 18, 19 eta 20rako.
Sektoreak 70 egoitza baino gehiagotan aritzen diren 4.500 langile inguru ditu.
Zure interesekoa izan daiteke
Tubos Reunidoseko Amurrioko eta Trapagarango batzordeek bilera egingo dute astelehen honetan, EEEaren inguruko jarrera erabakitzeko
Enplegu Erregulazio Espedienteak bi lantokiri eragiten dien arren, enpresak espediente bakar gisa negoziatu nahi du. Horregatik, jarrera komun bat ezarri nahi dute bi batzordeek.
Tubos Reunidos: Trumpen muga-zergek bultzatutako krisiaren gakoak
Konpainiak produkzioaren % 40 galdu du, bere merkatu nagusia (% 45eko kuota) AEB baita. Txerra Molinuevo Amurrioko alkatea zuhur bezain kezkatuta agertu da, "Tubos Reunidos motor ekonomikoa baita eskualde osoan".
Nafarroako Volkswagenek ohartarazi du 93 langile finko egiteak lan-erregulazioko espediente batean amaitu dezakeela
Enpresak "legezkotasuna zorrotz beteko" duela ziurtatu dio batzordeari bilera batean, Lan Ikuskaritzak behin-behineko 93 langile finko egitea agindu ostean. Sindikatuek akordiorako proposamena egin dute.
32 urteko langile bat hil da Zumaiako enpresa batean, pieza handi batek jota
Estaños Matiena enpresan jazo da ezbeharra, LAB sindikatuak jakinarazi duenez. Enpresa horrek hainbat salaketa zituen prebentzio-araudia ez betetzeagatik, sindikatuak salatu duenez.
UGT, CC. OO. eta USO sindikatuek akordioa sinatu dute Arabako garbiketa-hitzarmenerako
ELA eta LAB sindikatuek, aldiz, baztertu egin dute aurreakordioa, "amore ematea" delakoan, eta "atzerakada nabarmena" dakarrela iritzita. Uste dute "langileak erosteko ahalmena galtzeko arriskuan" egongo direla, "azken bost urteetan gertatu den bezala".
Tubos Reunidosek enplegu-erregulazioko espediente bat proposatuko du Amurrio eta Trapagarango lantegietan
Tubos Reunidoseko zuzendaritza bi lantegietako enpresa-batzordeekin bildu da gaur goizean, lan-erregulazioko espedientea iragarri ondoren. Sindikatuetako iturrien arabera, bileran, zuzendaritzak planteatuko dituzten neurriak aurkeztu ditu. Kontsulta aldiak, paraleloak eta bi lantegietarako, otsailaren 9an hasiko dira, eta asmoa da negoziazioa bi enpresa batzordeekin negoziazio mahai bakar batean garatzea.
EAEn batez besteko soldata % 3,6 haziko da 2026an, KPIaren gainetik beste urte batez
LKS Nextek egindako ikerketa baten arabera, profil profesional teknikoak, industrialak, digitalak eta AAri eta datuen analisiari lotutakoak dira gehien behar direnak.
KPIa bost hamarren moteldu da espainiar estatuan urtarrilean, % 2,4raino
Hiru hilabetez jarraian jaitsi da KPIa, 2025eko urrian azken 16 hilabeteetan izandako igoerarik handiena ( % 3,1) jasan ostean.
Lanbide arteko gutxieneko soldata % 3,1 igotzea adostu du Espainiako Gobernuak CCOO eta UGT sindikatuekin
CEOE eta Cepyme patronalek ez dute igoera babestu. Lanbide arteko gutxieneko soldata hilean 1.221 eurokoa izango da (14 paga), 518 euro gehiago urtean, eta neurriak atzerako eragina izango du 2026ko urtarrilaren 1etik aurrera.
Traktoreak kalera atera dira gaur Bilbon, Iruñean eta Gasteizen, EBren eta Mercosurren arteko akordioaren aurka
Bilbon San Mameseko zabalgunean elkartu dira 10:00etan, Gasteizen 10:30ean irten dira Eusko Jaurlaritzaren egoitzatik, eta Iruñean manifestazioa egingo dute, 17:00etan, Baluarteko plazatik abiatuta.