Gutxienez 150 atxilotu Frantzian, pentsioen erreformaren aurkako 11. protesta egunean
Gutxienea 150 pertsona atxilotu dituzte Frantzian Elisabeth Borne lehen ministroak bultzatu duen pentsioen erreformaren aurkako hamaikagarren protesta egunean. Milaka lagun irten dira kalera hiri nagusietan deitu dituzten manifestazioetan parte hartzera. Protesta egun berria deitu dute sindikatuek apirilaren 13rako.
Hiri batzuetan istiluak ere izan dira: Parisen, Lyonen eta Nantesen, esate baterako. Hainbat lagunek kalteak sortu dituzte hiri altzarietan eta erakusleihoetan, eta lokalen bati su ere eman diote. Poliziak negar eragiteko gasa erabili du manifestarien aurka.
Inoiz baino langile gehiago kalera irteteko deia egin zuten atzo sindikatuek, Gobernuarekin izan zuten bilera ezerezean amaitu ondoren. "Erreforma bertan behera utzi" dezaten presio egiten jarraitu beharra dagoela azpimarratzen dute.
CGT sindikatuko idazkari orokor berria, Sophie Binet, Pariseko manifestazioetako batean izan da. Gobernua "beste errealitate paralelo batean bizi" dela eta "gertatzen ari dena ez duela ulertzen" adierazi du.
Frantzian nagusi den CFDT sindikatuko buruak, Laurent Bergerrek, berriz, "mugimendu honek herritarren babesa izaten jarraitzen" duela azpimarratu du. "Jendeak irmoki deitoratzen du erreforma hau oraindik ere", gehitu du.
Sindikatuek egun osoan zehar egingo diren 250 manifestazio inguru deitu dituzte eta horietan 800.000 lagunek parte hartuko dutela aurreikusi dute. Frantziako Barne Ministerioak 11.000 polizia agente lanera deitu ditu.
Gaur goizean zehar hainbat unibertsitateko sarrerak moztuta egon dira eta eskoletako askok ateak itxi dituzte. Gainera, langile taldeek hainbat enpresa eta multinazionaletako egoitzak okupatu dituzte.
Manifestazio jendetsua Baionan
Ipar Euskal Herriko protestarik jendetsuena Baionan egin dute. Antolatzaileen esanetan 15.000 lagun inguru bildu dira manifestazioan. Poliziak, berriz, 5.000 izan direla adierazi du. Han bildutakoek "batuta egoteko eta presio egiteko unea" dela adierazi dute.
Hala ere, protesten eragina aurreko aldietan baino txikiagoa izan da. Esate baterako, Baionako tren geltokia zabalik eta funtzionamenduan egon da gaur.
Herrialde osoa Auzitegi Konstituzionalak erreformari buruz apirilaren 14an esango duenaren zain dago.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metroko
Nafarroaren aurretik (% 6,4) dago etxebizitza berrien prezioaren urte arteko igoeran. Hiriburuen arabera, batez besteko preziorik altuena Donostian dago, gero Bilbon eta azkenik Gasteizen.
Euskadik 3.074 langabe gutxiago zenbatu ditu iazko uztailarekin alderatuta, eta 78.743 kontratu berri sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude eta 21.865.503 kotizatzailera iritsi dira, maximo historiko berri bat.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".