Garbiñe Aranburu: "Soldaten akordioak ez du langileen erosahalmena bermatzen, ezta KPIa ere"
CCOO eta UGT sindikatuek CEOE Espainiako patronalarekin atzo soldaten inguruan izenpetutako akordioak "ez du langileen erosahalmena bermatzen, ez du KPIa bermatzen", Garbiñe Aranburu LABeko idazkari nagusiaren ustez. Hala, ituna bi sindikatuon "gainbeheraren adibide argia" dela azpimarratu du; izan ere, biek ala biek "patronalaren diskurtsoarekin bat egin dute".
Ituna sinatu eta biharamunean, elkarrizketa eskaini du sindikatu abertzaleko buruzagiak Euskadi Irratiko "Faktoria" saioan. Aranbururen esanetan, Estatuko akordio horretan ez dago aurreikusita KPIaren erreferentziarik eta 2022rako ez dago soldata igoerarik. "CCOO eta UGT soldaten debaluazioari bidea ematen ari zaie, eta akordio orokor baten eszenifikazioan, hori oso larria da", salatu du. Dena dela, horren arabera, Euskal Herrian "beste errealitate sindikal bat dago", eta, beraz, "hemen ez da aplikatuko".
Euskal Herriko sindikalgintzaren egoeraz galdetuta, ELAren estrategia jomugan jarri du beste behin, eta bereziki Gipuzkoako negoziazioan duen jarrera salatu. Aranbururen aburuz, Mitxel Lakuntza buru duen sindikatuak "aliantza" du Adegi Gipuzkoako patronalarekin, eta "akordio eta elkarlan horren ondorioz, bake soziala ezartzen ari da bertan".
Beste sindikatuek ez bezala, LABek sei greba egun deitu ditu Gipuzkoako metalgintzan, mahai gainean dagoena hobetzeko "greba eta mobilizazioetara jotzea ezinbestekoa" dela sinistuta. "Gu Gipuzkoan ikusten ari garena da, batez ere ELAren aldetik, hoztasun eta jarrera uzkurra duela, Adegi nagusi den negoziazio mahaietan". Aliantza horren adibide jarri du Gipuzkoako elikagai merkataritzaren kasuan gertatutakoa —CCOOk, UGTk eta ELAk akordioa sinatu zuten, sindikatu guztiek deitutako greba bertan behera utzita—. "Horren atzean dagoena ez da ELAk aliantzak dituela CCOO eta UGTrekin, baizik eta Adegirekin duela aliantza. Eta hori ezkutatzeko agian, Adegi nagusi ez den negoziazioetan bestelako konfliktoak alde bakarrez sustatzen ditu", adierazi du.
Azkenik, CEBEK Bizkaiko enpresaburuen elkarteari buruz esan duenez, "ez ditu egoki ordezkatzen enpresa ertain eta txikien interesak", eta LABek, horren harian, "ezinegona sumatu du lantegietan". Sindikatu abertzalearen ustez, sindikatuen ordezkaritza neurtzen den bezala, patronalaren ordezkaritza ere neurtu beharko litzateke, baina "Eusko Jaurlaritzak ez du hori neurtzeko borondate politikorik", salatu du.
Albiste gehiago ekonomia
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.
Zenbateko potentzia elektrikoa behar du Euskadik?
Industria, Trantsizio Energetiko eta Jasangarritasun Sailak 6.000 MW gehiago eskatu ditu bere sarean, helburu industrialak eta deskarbonizazioa betetzeko.
Eusko Jaurlaritzak eta banku-erakundeek gazteentzako lehen etxebizitza eskuratzeko abalen programa jarri dute abian
Kutxabankekin, Laboral Kutxarekin eta Abancarekin ekin zaio programari, oraingoz lankidetza-hitzarmena sinatu dutenekin; baina, zabalik da erakunde gehiagok bat egin ahal izango dutela aurreikusten da. Finantzatu beharreko etxebizitzen erosketa-prezioa ezin izango da 340.000 eurotik gorakoa izan.
Albiste izango dira: Ustelkeriaren aurkako txostena Nafarroan, sare elektrikoari buruzko bilera Madrilen eta Venezuelako ontzi bati erasoa
Gaurkoan Orain-en albiste izango direnen laburpena, bi hitzetan.
Euskal gehiengo sindikalak pentsiodunen mobilizazioarekin bat egin du Herri Ekimen Legegilea izapidetzea eskatzeko
ELA, LAB, ESK, Steilas, Hiru eta Etxalde ere mobilizatuko dira irailaren 20an EAJri eta PSE-EEri beren jarrera "zuzentzeko" eta gutxieneko pentsioa gutxieneko soldatarekin parekatzeko ekimena izapidetzea eskatzeko.
Euskadiko inbertsio elektrikoa aztertzeko bilera izan du Jauregik Espainiako Energia idazkariarekin
Joan Groizard Energiaren Estatu idazkariarekin batzartu da Jauregi, 2025-2030 aldirako elektrizitatea garraiatzeko sarea planifikatzeko proposamenaren barruan sare elektrikoetan egingo den inbertsioari buruz eta horrek Euskadin izango duen eraginaz mintzatzeko.
Abian da siderurgiako mahai sektoriala, muga-zergen eraginaren diagnosi partekatua egin eta laguntza-bideak aztertzea xede dituela
Mahaiaren lehen bileran, Mikel Jauregi sailburuak sektore siderurgikoarekiko erakundeen konpromisoa nabarmendu du. Azaldu duenez, sektore horrek nazioarteko merkataritzarekiko esposizio handia du, eta funtsezkoa da Euskadiko egitura esportatzailean, eta Trumpek ezarritako % 50eko muga-zergek sektorearen lehiakortasuna kolokan jarri dute.