Elikaduraren industriako 287 enpresak hartuko dute parte F4F-Expo Foodtech azokan gaurtik ostegunera
Gaur, asteartea, irekiko ditu ateak Food 4 Future-Expo Foodtech azokak Barakaldoko BECen. Hiru egunetan zehar, elikaduraren industriako 7.000 profesional eta 287 enpresa erakusle bilduko dira azokan, eta, antolatzaileen aburuz, 17 milioi euroko inpaktua izango du jardunaldiak EAEn.
Proteina alternatiboek gero eta garrantzi handiagoa dute gure elikaduran. Zein motatakoak daude? Zergatik dira garrantzitsuak? Zein abantaila eta erronka dituzte?
Aurtengoa F4F-Expo Foodtech azokaren hirugarren edizioa izango da. Elikaduraren industriari buruz hausnartzeko eta lehiakortasuna areagotzen lagunduko duten berrikuntza teknologikoak aurkezten dituzte bertan enpresek eta adituek. Honela, bada, robotikan eta automatizazioan egin dituzten azken aurrerakuntzak, prozesatu eta ontziratzeko makinaria berriena eta elikadura-segurtasuna eta zientziaren alorreko berrikuntzak aurkeztuko dituzte 287 enpresek hiru egunetan zehar.
F4F-Expo Foodtech azokak 17 milioi euroko inpaktua izango duela eta Euskadi "foodtech-aren alorrean erreferente bilakatzen" duela azaldu dute antolatzaileek. Azokako presidente Javier Dueñasen hitzetan, "biztanleriaren hazkundea geldiezina den garai honetan, inflazioaren presiopean bizi garenean eta planeta gero eta beroago dagoen garaian, elikaduraren industriak erronka handia dauka: baliabide naturalen kontsumoa txikitzeko eta hondakinen sorrera gutxitzeko ekoizpen eta eraldatze sistemak hobetu beharra dauka. Horretarako, robotika eta adimen-artifiziala bezalako teknologia berriak erabili beharra ditu".
Azokarekin batera, Food 4 Future World Summit kongresua ere egingo da egunotan. Elikagaien eta edarien sektoreko instalazioetako ekoizpenaren efizientzia hobetu duten hainbat kasuren berri emango dute bertan parte hartuko duten nazioarteko 372 adituk. Elikagaien ekoizpenean ikusten diren joera berriak aztertuko dituzte eta etorkizuneko erronkei aurre egiteko moduez hausnartuko dute.
Kongresuan European Foodtech Nations Summit eta EIT Food Innovation Forum ere egingo dira. Lehenengoan, elikagaien teknologian punta-puntan dabiltzan hainbat herrialde eta eskualde biltzen dira estrategiak elkarrekin partekatzeko. Bigarrena, EIT Food-ek antolatzen duen berrikuntzari buruzko foroa da. Aurten, berrikuntza gisa, Plant Managers Summit foroa ere egingo da, industria honetako instalazioetako arduradunen foroa.
Azkenik, nazioarteko 124 inbertsio-funts ere izango dira F4F-Expo Foodtech azokan egunotan. Foodtech arloan egiten ari diren inbertsioen eta mundu osoko startup-ek esku artean dituzten azken proiektuen berri emango dute.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".