ELAk energia kontsumoa murriztea eta energia sektorea publifikatzea proposatu du, trantsizio ekosozialerako
Larrialdi ekologikoaren aurrean, ELA sindikatuak materialen eta energiaren kontsumoa murriztea, energia sektorea publifikatzea, ekonomia birkokatzea eta garraio sistema eraldatzea proposatzen du, besteak beste, astelehen honetan argitaratu duen 'Trantsizio ekosozialerako proposamena' txostenean.
Azken urteetan "krisi ekologikoaren ondorioak gogorragoak izaten ari dira eta ez dira beharrezkoak diren neurriak hartzen ari", sindikatuak ohar batean adierazi duenez. "Klima aldaketaren eraginak urrun ikusten ziren, baina eguneroko bizitzan gero eta inpaktu nabariagoak izaten ari da, baita enpleguan ere", gaineratu du.
ELAtik nabarmendu dutenez, "egungo egitura ekonomikoa etorkizunean mantentzea ezinezkoa da; gero eta urriagoak dira ekonomiak behar dituen materialak, eta energia berriztagarriek ezin dute ekonomiaren energia fosilen kontsumoa guztiz ordezkatu". Horregatik, ezinbestekotzat jotzen dute Hego Euskal Herriko ekonomia, "nahitaez", sakon eraldatzea, horren funtzionamendua aldatzeko.
Erronka horiei aurre egiteko, ELAk trantsizio ekosozialerako proposamena landu eta hainbat neurri exijitu ditu:
• Materialen eta energiaren kontsumoa murriztu muga ekologikoen barruan egon arte eta justizia irizpideei jarraituz.
• Energia sektorea publifikatu, energia berriztagarriak gartau eta energia fosilen ekoizpena gelditu.
• Ekonomia birkokatu, ekonomia lokala eta zirkularra garatuz, elikadura burujabetza lortuz, eta ekoizpen eredua eraldatuz eta dibertsifikatuz.
• Garraio sistema eraldatu, merkantzien mugikortasuna gutxituz eta pertsonen mugikortasuna garraio publiko eta kolektiboan oinarrituz.
• Aberastasunaren banaketa eta lanaldiaren murrizketa.
• Zerbitzu publikoak indartu eta zaintza lana erdigunean jarri.
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.