Amaitu da Osakidetzako garbiketa zerbitzuaren gatazka, sindikatuek eta enpresek akordioa sinatuta
LAB, CCOO, UGT eta ESK sindikatuak, alde batetik, eta Osakidetzan garbiketa zerbitzua eskaintzen duten azpikontratatutako enpresak, bestetik. Biek ala biek sinatu dute gaur sektorearen lan hitzarmen berria, eta, horrenbestez, amaitu egin da azken hilabeteotan Euskal Osasun Zerbitzuan izandako lan gatazketako bat.
Eusko Jaurlaritzak Bilbon duen egoitzan izan da sinadura ekitaldia. Behin betiko akordioa larunbatean itxi zuten bi aldeek, Osakidetzak oniritzia eman ostean —sindikatuek eta patronalak adostutako neurrien gainkostu ekonomikoa ordainduko du—. Langileek, emakumezkoak ia denak, azken elkarretaratzea egin dute Kale Nagusiaren 85.ean.
Bost urteko negoziazio luze bezain gatazkatsuak geratu dira atzean. Azken txanpan, Jaurlaritzaren Lan eta Enplegu Saila aritu da bitartekari. Adostutakoaren arabera, langileek azken hiru urteotako (2021, 2022 eta 2023) ibilbide profesionalaren ordaina jasoko dute, eta aurreko hiruren konpentsazio partziala. Gainera, lanpostu hutsak betetzeko eta errelebo kontratuak egiteko konpromisoa dakar. Langileek ia 100 greba egun egin dituzte aldarrikapenok eginez.
Bilera egin den Eusko Jaurlaritzaren egoitzako atarian, borrokan aritu diren "emakumeen jarrera eredugarria" goraipatu nahi izan dute akordioa sinatu duten sindikatuek. Lortutakoa "emakume hauen borrokagatik" izan dela azpimarratu dute eta "iraganeko zein etorkizuneko ibilbide profesionalaren ordaina jasotzea lortu" dutela azpimarratu dute.
LAB sindikatuak kaleratutako oharrean, langile hauek "zerbitzu bera ematen duten langile publikoen baldintza eta soldata berdinak" izango dituztela baieztatu du.
ELA akordiotik kanpo geratu da. Horren ustez, Osakidetzaren eta enpresen "murrizketak" onartu dituzte gainerako sindikatuek, akordiotik kanpo utzita oraindik ordaindu gabe dauden beste hiru urteak (2012, 2019 eta 2020), eta "ibilbidearen etorkizuna Osakidetzako langileentzako hurrengo deialdiekin" lotuta. Sindikatu abertzaleak uste du gainerakoek jarrera "inkoherentea" izan dutela, "Osakidetzak azpikontratatutako garbitzaileentzako baldintza okerragoak betikotuta".
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".