Indrak eta Bain Capitalek akordioa lortu dute ITP Aeroren % 9,5 erosteko
Indrak eta Bain Capital funts estatubatuarrak akordioa lortu dute ITP Aeroren % 9,5 eskuratzeko, 175 milioi euroko kostua izango duen operazio bati esker.
Multinazionalak prentsa ohar baten bidez zabaldu duenez, Indrak, horrela, "tamaina horretako parte-hartzea duen edozeinen ohiko eskubideak izango ditu, baita Administrazio Kontseiluan ordezkaritza ere".
Bestalde, operazioari esker, dio oharrak, Bain Capitalek "ITP Aeroren hazkundea sustatu eta nazioarteko merkatuetan presentzia handiagoa izango du. Halaber, Eusko Jaurlaritzaren mendekoa den Finantzen Euskal Institutuaren (FEI) parte-hartzearekin batera, 2022ko azaroan, forma ematen dio Bain Capitalek ITP Aero erosteko baimena ematen zuen Ministroen Kontseiluaren abuztuko akordioan aurreikusitako Espainiako industria-enpresen eta erakundeen partzuergoari".
"ITP Aeroren kapitalean sartzeko operazioak izaera industriala du eta aurrerapausoa ekarriko du Indraren hazkunde estrategia berrian, Espainian Defentsa sektoreko enpresa bultzatzaile handi bihurtzeko", esan du Marc Murtra Indrako presidenteak.
Bestalde, Carlos Alzola ITP Aeroren zuzendari nagusiaren iritzian, "Indra akziodun bihurtuta, eta kolaborazio teknologikoaren akordioaren baitan, ITP Aerok hazkundeari eutsiko dio, abiazio zibilaren susperraldiak eraginda, hala nola defentsa sektoreko eskari handiak. Akordioaren bidez, bi enpresen arteko sinergiak sustatu egiten dira, eta horrek lagundu du A&Dren balio-kate osoan gaitasunetan etengabe hazten eta inbertitzen".
Operazioaren berri izan ostean, Indraren akzioek % 3 inguru egin dute behera. Hala, burtsan galerekin hasi du eguna, eta Ibex 35en gehien galdu duena izan da, 09:35 aldera % 2,74 galdu baitu, alegia, 13,13 euro akzio bakoitzeko"·
ITP Aero aeronautikako motorretarako osagaien ekoizle nagusietakoa da nazioartean, pasillo bikoitzeko hegazkinen erdietan baino gehiagotan daude berak ekoitzitako piezak. ITP Aerok Zamudion (Bizkaia) du egoitza, eta 4.700 langile baino gehiago ditu guztira.
Jaurlaritzak uste du operazioak "egonkortasuna" ekarriko duela
Indrak eta Bain Capitalek egindako akzioen erosketak "etorkizun interesgarria ekarriko du enpresaren garapenari begiratuta".
"Enpresaren finkatzearen aldeko apustua aipatu dezakegu, Eusko Jaurlaritzak egindako erkarpenari esker, eta itxaropentsu gaude etorkizun teknologikoari erreparatuta zabalduko diren aukerengatik. Bi alde horiek (finkatzea eta teknologia) negoziazioen hastapenetik aintzat hartu izan ditugu Jaurlaritzatik, eta espero dugu akziodun guztiek bultzatzea", esan du ohar batean Jaurlaritzak.
Gainera, erantsi duenez, "ITPren zailtasunen eta ziurgabetasunen ostean, uste dugu abiapuntu interesgarria dela ekarriko duen egonkortasuna dela eta, nahiz eta oso beharrezkoa izango den lehenetsiko dituzten esparruak, industria, teknologia eta negozioaren ikuspuntutik, etorkizuneko erronkak lehiakortasunez hartu ahal izateko".
Albiste gehiago ekonomia
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".
Zuiako bizilagunek mila alegazio aurkeztu dituzte Solariaren proiektuen aurka
Aurkeztutako argudioen arabera, eraiki nahi diren parke fotovoltaikoak "mehatxu larria dira natura-ingurunearentzat, gizarte-ehunarentzat eta tokiko ekonomiarentzat".
Gasteizko lorezainek grebari eutsiko diote, azken bilera akordiorik gabe amaitu baita
ELA, LAB eta ESK sindikatuek "ulertezintzat" jo dute Udalak Enviserren "kontratua ez etetea" eta lan-baldintzen hobekuntzei "mugak jartzea".