Ibilgailu elektrikoen salmenta laukoiztu egin da EAEn eta Nafarroan
Irailak 9an ospatzen da urtero Ibilgailu Elektrikoaren Munduko Eguna. Gure kaleetan gero eta auto elektriko edo hibrido entxufagarri gehiago ikusten ditugu, eta karga-puntuen kopurua ere handitzen ari da. Izan ere, gasolio eta gasolina bidez ibiltzen diren autoek epe bat dute ortzimugan: 2035ean sartuko da indarrean ibilgailu mota horiek saltzea debekatzen duen Europako Parlamentuaren lege berria, salbuespen gutxi batzuetan izan ezik.
Egoera honen aurrean, asko dira % 100 elektrikoak diren autoekiko interesa piztu zaien erosleak. Hain zuzen ere, Automozioko Ikasketen Institutuak (IDEAUTO) eta Faconauto saltokien elkarteak eskaintzen dituzten datuen arabera, azken bost urteetan laukoiztu egin da salmenta Euskadin eta Nafarroan; alegia, aurten (abuztuaren 30era arte) 2019an baino lau aldiz ibilgailu elektriko gehiago matrikulatu dira.
Salmentek gora egin duten arren, autoen merkatu orokorraren barruan auto elektrikoak hartzen duen espazioa ez da oso handia: % 6,24 da Euskadin eta % 9,81 Nafarroan (Faconautoren eta Ideautoren datuak). Gasolinaren, gasolioaren, hibridoaren eta hibrido entxufagarriaren atzetik euskal merkatuan dagoen bosgarren teknologia da. Beraz, datozen 12 urteetan datu hori nabarmen handitzea izango da erronka nagusia.
Luis Maria Vidal Bizkaiko Autonervion kontzesionarioko salmenta-arduradunaren hitzetan, erosleek auto elektrikoaren inguruan dituzten zalantza nagusiak autonomia, bateriaren iraunkortasuna eta erosketaren kostua izan ohi dira.
Hala ere, Vidalek dio ibilgailu mota horien ohiko eroslea gaiaren inguruan oso ondo informatuta eta kontzientziatuta egoten dela saltokira joan aurretik. Horietako askok maiz hartzen dute autoa, ia egunero, eta egiten dituzten distantziak ez dira oso luzeak.
Auto elektrikoa erosteak ekartzen duen kostuari dagokionez, kontuan hartu behar da erakundeek mugikortasun elektrikorako laguntza-plan bat dutela abian. Moves III Plana da, eta auto elektriko edo hibrido bat erosteko zein karga-estazio bat instalatzeko dirulaguntzak ematen dira.
Laguntza horiek Next Generation funtsetatik datoz, eta 2021etik 2023ko abenduaren 31ra bitartean eskatu daitezke. Auto bat erosiz gero, partikular batek 7.000 euro arte kobratu ditzake, ibilgailuaren ezaugarrien eta erosketa-ereduaren arabera -ibilgailu zaharra txatar bihurtzea erabakitzen badugu edo ez-. ç
Auto elektriko bat erostea, gainera, errenta-aitorpenean sartu daiteke.
Norbanakoez gainera, administrazioek, autonomoek eta enpresek ere dirulaguntzak jaso ditzakete ibilgailu elektrikoak erosteagatik.
Araba, Bizkaia eta Gipuzkoaren kasuan, Eusko Jaurlaritzak Energiaren Euskal Erakundearen (EEE) bitartez kudeatzen du laguntzen banaketa eta webgunean informazio guztia dago, baita laguntzak eskatzeko bidea ere. Nafarroan, Gobernuak berak kudeatzen du Moves III Plana, eta webgune bat ere badu, informazio guztiarekin eta laguntzak eskatzeko leihoarekin.
Albiste gehiago ekonomia
Jaurlaritzak hamarren bat igo ditu hazkunde-aurreikuspenak: % 2,2koa izango da aurten, eta % 1,9koa 2026rako
Mikel Torres lehendakariorde eta Ekonomia, Lan eta Enplegu sailburuak adierazi duenez, Euskadik "ekonomia indartsua du, etorkizuneko erronkei aurre egiteko prest dago, eta nazioarteko edozein ziurgabetasunen aurrean egokitzeko gaitasuna du". Hazkunde horren gakoa barne-eskaria izango da.
Gipuzkoako erreferentziazko prezioen indizea argitaratu dute, asteazkenetik aurrera alokairuak mugatzeko
Donostian, Irunen, Errenterian, Lasarte-Orian eta Zumaian izango du eragina. Hileko errenta zehazteko, hainbat datu sartu beharko dira, hala nola katastroko erreferentzia eta higiezinaren helbidea, energia-ziurtagiria, planta eta kontserbazio-egoera. Horrela, higiezin horri aplikatu beharreko alokairu-prezioen tarte objektibo bat lortuko da.
BBVAk iragarri du azaroan akzio bakoitzeko 0,32 euroko dibidendua emango duela
Erakundearen "historiako dibidendu altuena" da, eta akzioen trukean parte hartuko duten Sabadell bankuko akziodunek ere jasoko dutela ziurtatu du bankuak.
Maderas de Llodioko langileek salatu dute erakundeek jarrera pasiboa dutela enplegu-erregulazioko espedientearen aurrean
Langileen batzordeak adierazi duenez, ekoizpenaren % 40 Laudiotik kanpo eramango lukete, eta horrek eskualdearen etorkizun ekonomikoa arriskuan jarriko luke.
Sentsore kuantikoak garatzeko eta ekoizteko laborategia jarri du martxan Tecnaliak Zamudion
Bost milioi euroko inbertsioa izan du eta aitzindaria izango da Europan, sentsore kuantiko horiek aurrerapen handiak ekarriko baitituzte industriarako material berriak sortzeko, mugikortasuna errazteko, eta, osasun arloan, minbiziak garaiz detektatzeko.
ELAk, LABek, Steilasek, ESKk, Etxaldek eta Hiruk Confebask demandatu egingo dute, gutxieneko soldata propioa negoziatu ezean
Kontziliazio eskaera bat erregistratu dute, "patronala negoziatzera behartzeko", EAErako gutxieneko soldataren inguruan, eta gatazkan bitartekari gisa aritzeko eskatu diote Eusko Jaurlaritzari.
Hego Euskal Herriko biztanleen erdiak baino gehiago etxebizitza-eremu tentsionatuetan bizi dira
EAEn, Gasteiz gehituta, ehunekoa % 47,7koa da, eta Nafarroan, berriz, % 70ekoa.
Euskal psikologo klinikoek salatu dute Osakidetzak espezialistak ez diren psikologoak kontratatzeak legea urratzen duela
Diotenez, Osakidetzan osasun mentaleko baliabideak zabaltzeko beharra "agerikoa da", baina "ezin da edozein modutan egin".
Gasteiz etxebizitza-merkatuko tentsio handiko eremu izendatu dute
Arabako hiriburuaren kalifikazioak hiru urteko iraupena izango du, hasiera batean, eta etxebizitzaren arloan hainbat erabaki aplikatzea ahalbidetuko du, babespeko etxebizitzak eraikitzea barne: 3.012 etxebizitza berri bultzatuko dira, eta horietatik % 53 alokairurako babestutako etxeak izango dira.
Inflazioa bi hamarren igo da irailean, % 2,9ra, erregaien eta elektrizitatearen igoeragatik
Azpiko inflazioari dagokion urteko aldakuntza-tasa hamarren bat jaitsi da, % 2,3raino.