Bizkaiko Foru Aldundiak 691,1 milioi bideratu ditu Gizarte Ekintzara, foru-aurrekontuen zenbateko handiena
Bizkaiko Foru Aldundiaren datorren urterako aurrekontuak 10.000 milioi eurotik gorakoak dira lehen aldiz; zehazki, 10.308 milioi eurokoak, % 5,1 handiagoak (500,1 milioi euro gehiago), zerga itunduetan diru-bilketa handitzeko aurreikuspenek bultzatuta. Gizarte gastua izango da pisurik handiena duen eremua, 691,1 milioirekin.
Elixabete Etxanobe ahaldun nagusiak Itxaso Berrojalbiz Ogasun diputatuarekin batera aurkeztu du aurrekontuen foru arauaren proiektua astearte honetan, ezohiko Gobernu Kontseiluan onartu ondoren. Aldundiak jardunaldi honetan bertan erregistratu du Bizkaiko Batzar Nagusietan, izapidetzen hasteko, urtea amaitu baino lehen onar dezaten, eta lehentasunezko 120 jarduerak garatzeko balioko du.
Berrojalbizek aurrekontu-proiektuaren kontuen berri eman du, eta azaldu du diru-sarreren hazkundea 2024ko ekitaldirako aurreikuspen ekonomikoetan oinarrituta dagoela. Horien gainean, zerga itunduak biltzeko aurrekontua ezartzen da, 9.916,7 milioi eurokoa, 2023ko aurrekontuan zehaztutakoa baino % 5,8 gehiago.
Foru sailek 59 milioi gehiago dituzte
Gastuen atalean, erakunde-konpromisoak kontabilizatu ondoren, sailek % 3,8 gehiago izango dute erabilgarri; 1.599,1 milioi euro izango dituzte, hots, aurreko ekitaldian baino 58,6 milioi gehiago.
Biztanleko 640 euro gizarte gasturako
Aurrekontu-proiektuan gizarte gastua da garrantzitsuena, 2024an Aldundiak biztanleko 640 euro bideratuko baititu mendekotasuna eta desgaitasuna duten pertsonen edo adingabeen zaintza finantzatzera, gizarteratzera eta talderik kalteberenak babestera. Guztira, 737 milioi euro gastatuko dira Gizarte Ekintza Sailaen eta Enplegua, Gizarte Kohesioa eta Berdintasuna Sailaren bidez.
Era berean, sailen arteko banaketan nabarmentzekoa da lurralde-oreka indartzeko (udalerriei eta eskualdeei laguntzea, garraioa eta azpiegiturak) nahiz jarduera ekonomikoa eta enplegua bultzatzeko inbertsioen eta gastuen garrantzia. Horretarako, sektore estrategikoei laguntzeko eta talentua, ekintzailetza eta berrikuntza sustatzeko jarduketak gauzatuko dira.
Aldundiak baliabide propioen 241 milioi aktibatu ditu
Aurrekontu-proiektuarekin batera, Elixabete Etxanobek jakinarazi du Aldundiak beste 241 milioi euro esleitu dituela baliabide propioetatik legealdiko plana garatzeko, eta horrela osatuko dela aurrekontu-proiektua. Hala, Aldundiak dagoeneko 1.729 milioi eurorekin hornitu ditu legealdiko planaren lehentasunezko jarduketak, horiek garatzeko. Horren % 46 gizartearen ikuspegitik Bizkaia aurreratua izateko jarduketetarako da, eta 800 milioi euro inguru gastatuko dira horretan.
Albiste gehiago ekonomia
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.