CCOOk, ELAk eta UGTk etorkizuneko egitasmoak zehazteko eskatuko diote Siemens Gamesari
Siemens Gamesako CCOO, ELA eta UGT sindikatuak gaur arratsaldean bilduko dira enpresako zuzendaritzarekin, eta etorkizuneko egitasmoak zehazteko eskatuko diote, CCOO sindikatuko iturriek jakitera eman dutenez. Sindikatu horrek "positibotzat" jo du onshore negozioak jarraituko duela berretsi izana, baina aurreikusitako doikuntzak enpleguan izan dezakeen eraginari buruzko "zalantzarik argitu" ez izana deitoratu du.
Espainiako Estatuko Siemens Gamesako sindikatu nagusiekin bilduko da astearte honetan, Siemens Gamesak, Siemens Energyren filial eolikoak, 2026rako 400 milioi euro inguruko doikuntza bat egitea pentsatzen duela jakitera eman ostean, antolaketa sinplifikatzeko eta kostu orokorrak murrizteko helburuarekin, baina onshore jarduerarekin aurrera jarraituko dela baieztatuta.
Zehazki, sindikatuek iragarritako doikuntza hori non egingo den jakin nahi dute. "Espainiarentzat izango den jakin nahi dugu, une honetan gure jarduera-eremua baita", azpimarratu dute.
Adierazi dutenez, gehien kezkatzen dituena enpleguan izan daitekeen "ondorioa" da, eta "ez dute zalantzarik argitu".
Era berean, 2.000 milioiko galerak aurreikusten direla jakin ondoren, 2026an errentagarritasunera nola iritsi nahi den zehaztea nahi dute, iragarri den bezala "ibilbide horretan nola biziraungo duten irabaziak izan arte".
Bestalde, Siemens Gamesako zuzendaritzarekin ostiralean izango duten bileraren zain, konpainiaren azken erabakiek Foru Erkidegoan izango duten eragina ezagutzeko, "Siemensek sortzen duen lanpostu bakoitzarengatik borrokatuko" dutela ziurtatu du Maria Chivite Nafarroako presidenteak.
Azkenik, Arantxa Tapia Eusko Jaurlaritzako Ekonomiaren Garapen, Iraunkortasun eta Ingurumeneko sailburuak espero du Siemens Gamesak Zamudion (Bizkaia) duen lantegian ez duela eraginik izango matrize alemaniarrak egingo duen kostuen murrizketak.
Zure interesekoa izan daiteke
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.