Nafarroako Gobernuak eta EH Bilduk 2024ko aurrekontuak aurrera ateratzeko akordioa itxi dute
Bosgarren urtez jarraian, Nafarroako aurrekontuen inguruko akordioa adostu dute EH Bilduk eta Foru Gobernuak (PSNk, Geroa Baik eta Zurekin Nafarroak osatzen dute) 2024ko kontuak onartzeko. Jose Luis Arasti Ekonomia eta Ogasun kontseilariak gaur utzi du aurrekontu proiektua ganberaren esku, eta han eman ditu jakitera EH Bildurekin adostutakoak.
2024ko ekitaldirako, 6.355.410.182 euroko aurrekontu proiektua prestatu du Maria Chiviteren exekutiboak, iaz baino 504 milioi euro gehiagokoa. 5.835.972.554 euro gastu ez-finantzarioari dagozkio (Nafarroako Gobernuko departamentuak, Nafarroako Parlamentua eta Nafarroako Kontseilua), eta gainerakoa, 519.437.628 euro, gastu finantzarioari (zorraren amortizazioa eta interesen ordainketa).
Arastik, besteak beste, nabarmendu du EH Bilduk bakarrik erantzun diola aurrekontuei buruz hitz egiteko eta horiek negoziatzeko Foru Gobernuak egindako deiari. Azaldu duenez, duela zenbait aste hasi ziren bi aldeak biltzen, eta partekatzen dituzten gaietan adostasunak bilatzea izan dute hasieratik helburu. Maila ekonomikoan zein sozialean herritarren beharrei aurre egitera bideratuta dauden aurrekontu sendoak direla esan du, eta zehaztu du gastu sozialerako 3.000 milioi aurreikusi dituztela. Ezker abertzaleko koalizioak 4.420.000 euro izango ditu bere zuzenketetan jasotako eskarietarako.
Behin proiektua ganberaren esku utzita, horren tramitaziorako egutegia astelehenean aztertu eta onartuko du Bozeramaileen Mahaiak eta Batzordeak. Aurreikusitakoaren arabera, hil honen 23an argitaratuko da Nafarroako Parlamentuko Aldizkari Ofizialean, eta taldeek astebeteko epea (urtarrilaren 30era arte) izango dute osoko zuzenketak aurkezteko, eta otsailaren 8ra artekoa, zuzenketa partzialetarako.
Ezustekorik ezean, martxoaren 7rako deituta dagoen osoko bilkuran egingo da bozketa, eta EH Bilduk horiek aurrera ateratzea ahalbidetuko du bere abstentzioarekin.
Balorazioak
Sinatzeko ekitaldiaren ostean hedabideen aurrean egin dituen adierazpenetan, Laura Aznal EH Bilduko eledunak akordioaren garrantzia nabarmendu du. Horren hitzetan, legealdi honetako "lehen akordio garrantzitsua" da, eta ziur agertu da gehiago iritsiko direla, "nafarren beharrei" erantzuna emateko. "Herritarrak eta horien beharrak erdigunean jarrita akordioetara iristeko gai gara", esan du.
Ramon Alzorriz PSNren Antolakuntza idazkari eta PSNk Foru Parlamentuan duen bozeramaileak, bere aldetik, adierazi du herritarren arazoei eta beharrei aurre egitea helburu duten aurrekontuak adostu dituztela. "Zerbitzu publikoak blindatzea", "erkidegoaren egonkortasuna bermatzea" eta "politika eraldatzaileak bultzatzea" izan dira lehentasunak, Alzorrizen arabera.
Bide beretik mintzatu da Pablo Azcona Geroa Bai koalizioko bozeramailea ere. Nabarmendu duenez, "albiste ona" da aurrekontuak aurrera ateratzeko akordioak "lau alderdi politikoren babesa izatea".
Albiste gehiago ekonomia
Euskadik 3.074 langabe gutxiago zenbatu ditu iazko uztailarekin alderatuta, eta 78.743 kontratu berri sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude eta 21.865.503 kotizatzailera iritsi dira, maximo historiko berri bat.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".
Zuiako bizilagunek mila alegazio aurkeztu dituzte Solariaren proiektuen aurka
Aurkeztutako argudioen arabera, eraiki nahi diren parke fotovoltaikoak "mehatxu larria dira natura-ingurunearentzat, gizarte-ehunarentzat eta tokiko ekonomiarentzat".