Azpikontratatutako osasun-garraioko greba mugagabeak % 90eko jarraipena izan du 1. egunean, sindikatuen ustez
EAEn azpikontratatutako osasun garraioko langileek greba mugagabeari ekin diote gaur, ELAk, LSB-USOk, LABek, UGTk, CCOOk eta ESK-k deituta, Osakidetzako langileekin homologatzea eta erosteko ahalmenaren galera berreskuratzea eskatzeko. Deitzaileen arabera, jarraipena % 90ekoa izan da greba mugagabearen lehen egunean.
Eusko Jaurlaritzak ezarritako gutxieneko zerbitzuak salatu dituzte sindikatuek, ia % 100ekoak direla iritzita.
Zehazki, Eusko Jaurlaritzak % 100eko zerbitzu minimoak ezarri ditu larrialdi zerbitzuetan, errehabilitazioko gaixoen garraioan eta ospitaleetako sendagiria jasotzen dutenen garraioan. Hala ere, gutxieneko zerbitzu guztiak ez dira bete, sindikatuen arabera protestan ziren langile askok eta askok ez zekitelako gaur lan egin behar zutenik.
Bestalde, La Pau enpresako iturriek azaldu dutenez, beste batzuetan ez bezala, oraingoan ez dituzte gutxieneko zerbitzuak sindikatuekin adostu, "gehiegizkoak" zirela irizten ziotelako. Hala ere, oro har, ezarritako gutxienekoak bete direla nabarmen dute.
Grebari ekiteko, langileek elkarretaratzea egin dute Basurtuko ospitalearen aurrean, Bilbon, eta handik, manifestazioa egin dute Eusko Jaurlaritzaren egoitzaraino.
Iragan ostiralean enpresak proposamen bat helarazi zien, baina sindikatuek kritikatu dute ez zela nahikoa greba bertan behera uzteko.
ELAk gogorarazi duenez, zerbitzu honetan azpikontratatutako langileek salatu dute lan-hitzarmenaren negoziazio mahaia "blokeatuta" dagoela, eta enpresek eta Osasun Sailak ez dutela langileen baldintzak hobetzeko "borondaterik".
Sindikatuek errefusatu egiten dute enpresek eskainitako soldata igoera, eta salatu dutenez, proposamenean "ez dute baimenez hitz egiten, ez familia eta lana uztartzeaz, ez karrera profesionalaz"; izan ere, soldatetan ez ezik, lan-baldintza guztietan lortu nahi dute homologazioa Osakidetzako langileekin.
Zerbitzu minimoak
ELAk iragarri du Eusko Jaurlaritzak % 100eko zerbitzu minimoak ezarri dituela, "1.700 langileren grebarako eskubidea galaraziz"; izan ere, ezin izango dute greba egin "errehabilitaziorako garraioak egiten dituztenek, ez beste erkidego batzuetan kontsultak egitera gaixoak eramaten dituztenek, ez ospitaleetako sendagiria jasotzen dutenak eramaten dituztenek".
Sindikatuak "patronalaren interesak" defendatzea egotzi dio Eusko Jaurlaritzari.
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.