Lan Ikuskaritzak 33.617 kontratu bihurtu ditu mugagabe legealdian Euskadin
Euskadiko Lan Ikuskaritzak legealdian 33.617 kontratu mugagabe eta lanaldi osokoak bihurtu ditu, berrikusitako 88.059 kontratuen % 38. Guztira, 22.390 ikerketa-jarduera egin dituzte, eta horien emaitza 1.666 arau-hauste izan dira, 8,7 milioi euro bilduta. Lan eta Gizarte Segurantzako sailburuordeak, Elena Pérez Barredok, eman ditu datuak gaur, Lan Ikuskaritzako zuzendariorde Iciar Gonzálezekin batera.
Kopuruei dagokienez, balantzeak erakusten du 2023an kontratazioari egindako iruzurraren aurkako jarduera globalek 18.627 kontratu berrikusi zituztela. Horietatik 5.316 kontratu mugagabe eta lanaldi osoko bihurtzea lortu zen.
Lan-harremanak eta emakumeen eta gizonen arteko berdintasuna sustatzearekin lotutako guztia ere Ikuskaritzaren jardueraren parte dira. Ildo horretan, Iciar Gonzalezek azpimarratu du 2023an 196 jarduera egin zituztela sexu-jazarpenaren eta jazarpen-protokoloen arloan, 20 sexu-diskriminazioagatik, 17 ordainsari-desberdintasunagatik eta 247 berdintasun-planak ezarri zirela egiaztatzeko 50 langiletik gorako enpresetan.
Gonzalezek eraikuntzako obretan segurtasun- eta osasun-baldintzak egiaztatzeko egindako 2.424 ikuskapenak ere aipatu ditu, 68 arau-hausterekin. Lantokietan, aldiz, 1.372 izan dira segurtasun-baldintzei buruzko ikuskapen-jarduerak (93 arau-hauste). 2023an, 11 zigor-espediente eta 6 zuzenketa-errekerimendu ireki dira, lan-istripu hilgarriak eta oso larriak ikertzeagatik. Horrez gain, 97 espediente, 85 errekerimendu istripu larriengatik, 142 espediente eta 105 errekerimendu istripu arinengatik.
Bestalde, 995 jarduera egin dituzte, 4 arau-hausterekin, amiantoa kentzeko lanen arloan; izan ere, elementu kantzerigenoa denez, debekatuta dago lantoki berrietan edo makina berrietan erabili eta ezartzea. Era berean, 236 jarduera egin dituzte amiantoak profesionalei eragindako gaixotasunak ikertzeko (bi arau-hauste).
Ikuskaritzako langileen kopuruari dagokionez, Pérez Barredok adierazi du legealdi honetan 14 ikuskaritza-plaza eta azpi-ikuskaritzako bi sortu direla, hau da, % 25eko igoera izan da. Gogora ekarri du Sailak oposizio horiek prestatzeko eta aukera-berdintasuna bermatzeko atera dituen sei beken deialdia. Era berean, Lan Ministerioak azpi-ikuskaritzako oposizioak deitu zituen 2023an, eta Ikuskaritzako lekualdatze-lehiaketa egitea aurreikusi du, Euskadin dauden lanpostu hutsak betetzen jarraitzeko asmoz.
Zure interesekoa izan daiteke
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.