Sanchezek iragarri du Adimen Artifizialaren Hizkuntza Eredu bat sortuko dutela Estatuko hizkuntza ofizialetan
Pedro Sanchez Espainiako Gobernuko presidenteak iragarri du Adimen edo Inteligentzia Artifizialeko Lengoaia Sortzeko Eredu Handi bat sortuko dutela, gaztelaniaz eta estatuko gainerako hizkuntza koofizialetan, euskaraz, galizieraz eta katalanez, "berariaz" trebatua, kode "ireki eta gardenarekin".
Iragarpena Bartzelonan, Mobile World Congress (MWC) erakundearen afari ofizialean egin duen hitzaldian egin du. Astelehenetik ostegunera izango da nazioarte mailako ospea duen teknologia berrien topaketa.
Sanchezek azaldu duenez, Gobernuak Barcelona Supercomputing Center (BSC), Espainiako Superkonputazio Sarea, Real Academia Española de la Lengua (RAE) eta Asociación de Academias de la Lengua Española erakundeekin lankidetzan jardungo du helburu hau lortzeko, eta Iberoamerikako herrialdeak ere gonbidatu ditu ekimenarekin bat egin dezaten.
"Espainiak adimen artifizialaren garapenean Europan eta nazioartean paper garrantzitsua izatea nahi dugu", aldarrikatu du Espainiako presidenteak, MWCren antolatzaile diren operadore mugikorren patronalaren (GSMA) ordezkarien aurrean egindako hitzaldian.
AAk dakarren erronkaren aurrean, Gobernuburuak azpimarratu du beharrezkoa dela teknologia hori enpresa zein zientzia sisteman eta politika publikoen diseinuan hedatzea.
Aurrerapen teknologikoen eta "joera, aurreiritzi eta demokrazioaren galera ekidin dezakeen ikuspegi humanista"ren arteko oreka defendatu du Sanchezek. "Ahalegin guztiek koordinatuta egon behar dute. Horregatik, digitalizazioaren gobernantza globala defendatzen dugu, Europako mugetatik haratago joango dena", gaineratu du.
Zure interesekoa izan daiteke
Angularik ezin dela arrantzatu berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziea egoera kritikoan zegoela egiaztatu baitzuen.
Diesel litroa 2 eurotik gora dago Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.