Nekazariak Gipuzkoako Batzar Nagusien atarian elkartu dira, sektorearen egoera salatzeko
Gipuzkoako nekazariek Batzar Nagusietara eraman dituzte gaur beren aldarrikapenak, EHNE eta ENBA sindikatuek babestutako lehen mobilizazio handian.
Guztira 300 ibilgailu (traktore, furgoneta eta lur orotariko ibilgailuak) batu dira, Gipuzkoako toki ezberdinetatik abiatuta, Donostia igaro ostean Batzar Nagusietan amaitu den mobilizazioan.
Legorretatik abiatu da protesta 08:30 aldera, 09:00etan Tolosako Artzabaltza industrialdean egin dute bat, eta handik Andoainera joan dira Pedromiralles gasolindegian beste protestari batzuekin bat egiteko. Kostatik, berriz, 09:00etan abiatu dira Aia-Orioko Ubegun industriagunetik, eta handik Urbil merkataritza zentrora joan dira. Halaber, Errenteriatik ere 09:00etan atera dira protestariak, Masti-Loidi industrialdetik.
Lehen ibilgailuak 11:30 pasatxo zirenean iritsi dira hiriburura. Handik Miramon aldera abiatu dira, eta lehen nekazariak 12:00ak aldera heldu dira Gipuzkoako Batzar Nagusien egoitzara. Hiru zutabeek 12:30ean bat egitea aurreikusten bazen ere, atzerapenak tarteko, 13:15ean elkartu dira.
Han, elkarretaratzea egin eta manifestua irakurri dute antolatzaileek. Geroago, Xabier Ezeizabarrena Batzar Nagusietako presidentearekin eta alderdi ezberdinetako ordezkariekin bildu dira, beren aldarrikapenen berri emateko.
Deitzaileen arabera, 38 erakunde, eragile eta enpresak bat egin dute gaurko protestarekin, lehen sektoreak bizi duen egoera larria salatzeko eta laborarien ustiapenen bideragarritasuna defendatzeko asmoarekin.
Otsailaren 12an kalera atera zituzten traktoreak gipuzkoar laborariek, eta trafikoan eragina izan zuen protestak; N-1 eta N-634 errepideetan, bereziki. Orduko hartan, baina, sare sozialen bidez mobilizatu ziren nekazariak, sindikatuen babesik gabe.
EHNEk eta ENBAk, bestalde, iragarri zuten protesta egutegi bat prestatuko zutela, eta gaur entzungo da aurrenekoz horien aldarria kalean.
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.