Fiskaltzak Ayusoren bikotekidea salatu du Ogasunari ustez 350.000 euroko iruzurra egiteagatik
Madrilgo Fiskaltzak salaketa jarri du Alberto Gonzalez Amadorren aurka, Isabel Diaz Ayuso Madrilgo Erkidegoko presidentearen bikotekidearen aurka, bi delitu egotzita: iruzur fiskala eta dokumentuak faltsutzea faktura faltsuen eta pantaila-sozietateen sare baten bidez.
Idazkian Gonzalez Amadorri leporatzen zaio 2020ko ekitaldian Ogasunari 155.000 euroko iruzurra egitea sozietateen gaineko zergan, eta beste 195.951 eurokoa hurrengo urtean.
Gainera, dokumentuak faltsutzea egotzi dio, Ogasunari aitortu behar zizkion "sozietateen etekinak murrizteko" kanpoko enpresen bidez 15 faktura faltsu erakusteagatik, 1,7 milioi eurotik gorako gastuekin. Zerga Agentziaren txostenaren arabera, horrek ahalbidetu zion bi ekitalditan 350.000 euro arte aurreztea zergetan.
Zerga Agentziak dokumentazio guztia aurkeztu zion Fiskaltzari, eta hark Alberto Gonzalez epaitegian salatzea erabaki du, faktura faltsuen eta pantaila-enpresen bidez Ogasunari ustez egindako iruzurragatik. Madrilgo Probintzia Fiskaltzak salaketa aurkeztu zuen epaitegian martxoaren 5ean, Zerga Agentziaren txosten bat jaso ondoren, bi urte lehenago hasitako ikerketa baten ondorioz.
Honako hauek dira ikertutako Gonzalez Amadorren sozietateak: Maxwell Cremona Ingenieria y Procesos para el Fomento del Ambiente (administratzaile bakarra zen) eta Masterman & Whitaker Medical Supplies and Health Process Engineering.
Salaketan, fiskalak eskatu du ikertu gisa deklarazioa hartzeko eta Zerga Agentziaren gai horri buruzko txostena egin duten Ogasuneko ikuskatzaileek peritu gisa lekukotza emateko.
Diaz Ayusok hedabideen aurrean adierazi duenez, "bost urte daramatzat hau jasaten", eta kritikatu du Moncloa "trama bat sortzen" saiatzen ari dela beraren inguruan, "egur gehiago" eskatuz.
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.