EBZk argi berdea eman dio BBVAk Sabadell erosteko eskaintza publikoari
Europako Banku Zentralak (EBZ) jakinarazi du ez duela eragotziko BBVAk Sabadell bankua erosteko egindako eskaintza publikoa, operazioari argi berdea emanda.
EBZrena zen, hain justu, BBVAk lortu behar zuen oniritzi garrantzitsuenetako bat. Gainera, asteon bertan, Erresuma Batuko erakunde erregulatzaileek ere onartu dute BBVAk TSB filiala kontrolatzea.
Erabakia ez da ezustekoa izan merkatuentzat; izan ere, EBZk operazioaren bideragarritasuna baino ez du aztertzen. Hau da, BBVAk aurkeztutako proiektuak kapital eta likidezia nahikoa izango dituen, horiek epe luzera mantentzeko gai izango den eta mozkinak lortzeko gaitasuna izango duen baino ez du ikertu europar erakundeak.
EBZren baiezkoa eskuetan, Balore Merkatuaren Batzorde Nazionalak (CNMV) operazioa baimendu dezake jada, eta BBVAk eskaintza onartzeko epea (15-70 egun) ireki ahalko dio Sabadelli. Dena dela, praktikan, CNMVk ez du salmentarik baimentzen Merkatu eta Lehia Batzorde Nazionalak (CNMC) ere onespena eman baino lehen, eta hori ez da oraindik gertatu.
Maiatzean, BBVAk Sabadellen % 100a erosteko eskaintza oldarkorra aurkeztu zuen, banku kataluniarrak ezezkoa eman baitzion salmenta adosteari. Harrezkero, Sabadellek egoitzak dituen herrialde guztietako Lehia batzordeen oniritzia jaso du Carlos Torres presidente duen bankuak.
Hain zuzen ere, BBVAk akzio bat eskaintzen die Sabadellen akziodunei, banku horretako 4,83 titulu bakoitzeko.
Zure interesekoa izan daiteke
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.
Cl Group taldeak Papresa erosteko eskaintza onartu du epaitegi batek
Cristian Layri lotutako Extremadurako taldeak 39,3 milioi euroko eskaintza egin zuen, baina azkenean erosketaren zenbatekoa handiagoa izango da Donostiako Merkataritza Arloko Epaitegiaren arabera.
Bizkaiak “etorkizuna eraikitzeko lekua” dela aldarrikatu du Madrilen, inbertitzaileak erakartzeko
Aldundiak bere erreforma fiskala aurkeztu du Madrilen, ehun bat enpresatako eta erakundetako ordezkarien aurrean.
Langile bat hil da Topoaren lanetan, Donostian
Euskal Trenbide Sareak ohar bidez jakinarazi duenez, tunel batean lanak egiten ari zirela, makina bat irauli da eta langilea azpian harrapatu du.
ZUZENEAN: Etekin Ekonomia Topaketak
Lehiaren Batzordeak espedientea ireki die Ibexeko sei bankuei, hipotekekin lehiaren kontra jardun dutelakoan
Banco Santanderrek, CaixaBankek, BBVAk, Sabadellek, Bankinterrek eta Unicajak adierazi dute hipoteken garestitzea merkatuaren egoeraren ondorio dela.
Satsek bertan behera utzi du emaginen greba Osakidetzan, profesionalen faltari buruzko negoziazioa ireki ostean
Erizainen sindikatuak ekaina eta uztaila bitartean aurreikusitako lanuzteak geldiarazi ditu, baina ohartarazi du mobilizazioei ekingo diela Euskal Osasun Zerbitzuak plantillak indartzeko neurriak zehazten ez baditu.