Espainiako Gobernuak atzeratu egingo du gastu-mugaren tramitazioa Kongresuan, babes faltagatik
Espainiako Gobernuak atzeratu egingo du gastu-mugaren tramitazioa Kongresuan, oraingoz, ez duelako bermatuta horrek aurrera egiteko beharrezkoa den gutxieneko babesa. Negoziatzen jarraitu nahi du, eta bigarren porrota ekidin. Uztailean egin zen aurreneko bozketa, eta Juntsek, PPk eta Voxek gastu-mugaren kontra bozkatu zuten, datorren urteko aurrekontu orokorrak kolokan utzita.
Ogasun Ministerioak jakinarazi dutenez, gaurko Ministroen Kontseiluan onartuko dute bozketa atzeratzea, "elkarrizketari beste aukera bat" emateko eta "erkidego eta udal guztientzat onuragarria izango den itun bat lortzeko aukera guztiak" agortzeko.
Ostegunerako zegoen deituta 2025-2027 eperako zerga-egonkortasunerako bide-orriaren bigarren bozketa Kongresuan, eta, itxura guztien arabera, oraingoan ere, emaitza errepikatu egingo zen.
Oraingoz, tramitazioa bertan behera utziko dutela bai, baina noiz arte ez du esan Ogasun Ministerioak. Aurrekontu orokorrak onartu aurreko urratsa izaten da gastu-sabaia eta defizit-muga onartzea, eta gaur iragarritako atzerapenarekin, jada ezingo da bete araudian aurreikusitako egutegia. Horren arabera, urria baino lehen onartu behar du Kongresuak gastu-muga.
EH Bildu, aurrekontuak babesteko prest
Arnaldo Otegi EH Bilduko koordinatzaile nagusiak esan duenez, bere koalizioa prest dago Estatuko Aurrekontu Orokorrak babesteko. Hori bai, ahal duten guztia negoziatuko dutela gehitu du.
Herri Irratian egindako elkarrizketa batean egin ditu adierazpenok. Aurrekontuak onartzeko "zailtasunak" izango baditu ere, Pedro Sanchezen Gobernuak "eutsi" egingo diola uste du buruzagi independentistak. "Ordezkoa PP-Vox da", ohartarazi du.
Datorren urteko kontuen inguruan PSOErekin hitz egiten eta negoziatzen ari direla ere esan du. Esan duenez, "arazo nagusi" bat izaten da halakoetan: "alderdien interesak interes orokorraren gainetik jartzen dira".
Berriro baztertuz gero, EAJk "estuasunak" egon daitezkeela ohartarazi du
EH Bilduk bezala, EAJk ere Espainiako Gobernuaren gastu-muga babesteko prest azaldu da. Izan ere, bigarrenez baztertzekotan "estuasunak" aurreikusi ditu.
Hala esan du Aitor Esteban jeltzaleek Kongresuan duten bozeramaileak. "Administrazio guztiek zailago izango lukete aurreko gastu-muga luzatuko balitz. Estuasunak handiagoak izango lirateke, ziur".
Albiste gehiago ekonomia
EAEko familiek inoiz baino gehiago gastatu dute ostalaritzan, 4.207 euro
Euskadiko etxeetako batez besteko gastua egonkor mantendu zen 2024an, baina aisiak eta jatetxeek pisua hartzen jarraitzen dute elikaduraren, garraioaren eta irakaskuntzaren aldean.
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.
Zenbateko potentzia elektrikoa behar du Euskadik?
Industria, Trantsizio Energetiko eta Jasangarritasun Sailak 6.000 MW gehiago eskatu ditu bere sarean, helburu industrialak eta deskarbonizazioa betetzeko.
Eusko Jaurlaritzak eta banku-erakundeek gazteentzako lehen etxebizitza eskuratzeko abalen programa jarri dute abian
Kutxabankekin, Laboral Kutxarekin eta Abancarekin ekin zaio programari, oraingoz lankidetza-hitzarmena sinatu dutenekin; baina, zabalik da erakunde gehiagok bat egin ahal izango dutela aurreikusten da. Finantzatu beharreko etxebizitzen erosketa-prezioa ezin izango da 340.000 eurotik gorakoa izan.
Albiste izango dira: Ustelkeriaren aurkako txostena Nafarroan, sare elektrikoari buruzko bilera Madrilen eta Venezuelako ontzi bati erasoa
Gaurkoan Orain-en albiste izango direnen laburpena, bi hitzetan.
Euskal gehiengo sindikalak pentsiodunen mobilizazioarekin bat egin du Herri Ekimen Legegilea izapidetzea eskatzeko
ELA, LAB, ESK, Steilas, Hiru eta Etxalde ere mobilizatuko dira irailaren 20an EAJri eta PSE-EEri beren jarrera "zuzentzeko" eta gutxieneko pentsioa gutxieneko soldatarekin parekatzeko ekimena izapidetzea eskatzeko.
Euskadiko inbertsio elektrikoa aztertzeko bilera izan du Jauregik Espainiako Energia idazkariarekin
Joan Groizard Energiaren Estatu idazkariarekin batzartu da Jauregi, 2025-2030 aldirako elektrizitatea garraiatzeko sarea planifikatzeko proposamenaren barruan sare elektrikoetan egingo den inbertsioari buruz eta horrek Euskadin izango duen eraginaz mintzatzeko.