Juntsek, PPk eta Voxek gastu-mugaren kontra bozkatu dute, aurrekontu orokorrak kolokan utzita
Kolpea jaso du gaurkoan Espainiako Gobernuak Kongresuan. Juntsek, PPkin eta Voxekin batera, gastu-mugaren kontra bozkatu du, eta ezerezean utzi du Maria Jesus Montero Ogasun ministroak aurkeztutako defizit eta zor helburuak. Aurrekontu orokorrak eurak kolokan daude, horrenbestez.
2025-2027 aldirako egonkortasun bide-orriaren kontrako 178 boto izan dira, eta 171 alde.
Neurri fiskalen eztabaidan egin du iragarpena Josep Maria Cruset Juntsek Kongresuan duen bozeramailearen ondokoak. Crusetek Kongresuko pasilloetan hedabideei egindako adierazpenetan azaldu duenez, Katalunian aurreko aurrekontuak ez dira behar bezala gauzatu, eta Espainiako Gobernuak ezin ditu Juntsen zazpi botoak eskuratu 2025eko Aurrekontuak aurrera eramateko, egoera hori leheneratu arte.
Bozketa asteazkenean Pedro Sanchez Espainiako Gobernuko presidenteak eta Pere Aragones Generalitateko jarduneko presidenteak Bartzelonan egingo duten bilera baino egun bat lehenago egin da.
Juntsen babes faltak neurria aurrera ateratzeko boto nahikorik gabe utzi du Espainiako Gobernua, eta aurrekontu orokorren ibilbidea zaildu du, Exekutiboa gastu-muga berri bat onartzera eta prozedura parlamentarioari berriro ekitera behartuko baitu.
Aurrekontu Egonkortasunari buruzko Legearen arabera, egonkortasun bide-orria atzera botata, Espainiako Gobernuak helburu berriak onartu beharko ditu lau asteko epean, ondoren Kongresura berriro bidaltzeko. Datorren astean abuztuko geldialdia hasiko dela kontuan hartu behar da.
Bigarren bide-orri hori onartuz gero, Senatura igaro beharko luke, eta, bertan, Goi Ganberak PPren gehiengo osoarekin atzera botako luketela ematen du. Ondorioz, Kongresura itzuli beharko luke aurrekoaren betoa bertan behera uzteko.
Egonkortasun-bide bat egon arte, Espainiako Gobernuak ezin ditu 2025eko aurrekontuak aurkeztu, eta hori iraila amaitu baino lehen egin beharko luke, urteko azken hiru hilabeteetan Gorteetan izapidetu eta datorren urtarrilaren 1ean indarrean sar daitezen.
Espainiako Gobernuak ez du aurrekonturik onartu legealdi honetan; izan ere, Katalunian hauteskundeak deitu ostean 2024koak aurkezteari uko egin baitzion, horrek bazkide parlamentarioekin negoziatzea zailtzen zuelako.
Zure interesekoa izan daiteke
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.