Itunpeko ikastetxeetako eta sare publikoko langileen soldatak parekatzeko lehen pausoa eman du Jaurlaritzak
Eusko Jaurlaritzak 2024ko EAEko Aurrekontuen Legea aldatzea onartu du, gaurko bileran, itunpeko ikastetxeetako langileen soldatak eskola publikokoekin modu progresiboan parekatzea ahalbidetzeko.
Begoña Pedrosa Hezkuntza sailburuak gobernu bileraren osteko prentsaurrekoan azaldu duenez, helburua 2027rako EAEko itunpeko ikastetxeetako irakasleek eta eskola publikokoek pareko soldata izatea da. Gainera, atzerako eraginez 2023ko eta 2024ko aldea ordainduko zaie.
Lehen ordainketa horiei aurre egin ahal izateko, aurtengo aurrekontu proiektua aldatu du Eusko Jaurlaritzak, eta ia 67 milioi euroko dotazioa gehitu.
Soldatak parekatzeko prozesua Hezkuntzako Lege Organikoaren (2006) eta EAEko Hezkuntzaren Legearen (2023) baitan kokatzen da. Pedrosak adierazi duenez, parekatze prozesuak EAEko itunpeko ikastetxe guztien, gizarte ekimeneko ikastetxeen eta ikastolen ordezkarien adostasuna du, baita sindikatu nagusien ordezkariena ere.
Orain, lege-proiektua Eusko Legebiltzarrera bidaliko dute, prozedurak aurrera egin dezan.
Pedrosa sailburuak tramitazioa azkarra izatearen alde egin du, hots, zuzenketak aurkezteko aukerarik gabe eta bozketa bakarrarekin. Dena den, erabakia Eusko Legebiltzarrari dagokiola nabarmendu du.
Abenduaren 31 baino lehen Aurrekontuen Legea aldatuta izatea espero du Pedrosa sailburuak, ondoren Ogasun Sailak ordainketa horiek ahalbidetuko dituzten diru-funtsak aktibatu ditzan.
Zure interesekoa izan daiteke
EBZk inflazioaren gorakada eta hazkundearen moteltzea aurreikusi ditu, Ekialde Hurbileko gerraren ondorioz
Abenduko proiekzioekin alderatuta, aurten bereziki inflazioak gora egingo duela ohartarazi du Europako Banku Zentralak (EBZ), Ekialde Hurbileko gerraren ondorioz energiaren prezioak nabarmen igo direlako.
Angularik ezin dela arrantzatu berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziea egoera kritikoan zegoela egiaztatu baitzuen.
Diesel litroa 2 eurotik gora dago Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.