3.400 langabe gutxiago daude Euskadin, eta langabezia-tasa % 7,1era jaitsi da hirugarren hiruhilekoan
Eustaten datuak kontuan hartuz, eta EAEko lan-merkatuko 2024ko hirugarren hiruhilekoko datuen arabera, aurreko hiruhilekoan baino 4.500 landun gehiago eta 3.400 langabe gutxiago daude.
Langabeak 76.700 eta landunak 997.100 direla zenbatetsi da 2024ko hirugarren hiruhileko honetan, hau da, hiruhilekoko emaitzarik handiena 1985etik.
EAEko langabezia-tasa % 7,1ekoa da, 2024ko bigarren hiruhilekoan baino ehuneko lau hamarren gutxiago. Biztanleria landunaren eta langabearen bilakaeraren ondorioz, jarduera-tasa % 56,5ekoa izan da 2024ko hirugarren hiruhilekoan, aurreko hiruhilekoan baino hamarren bat gutxiago.
Lurraldez lurralde aztertuta, eta aurreko hiruhilekoarekin alderatuta, Bizkaian 3.900 landun gehiago daude, Gipuzkoan 2.500 gehiago eta Araban 2.000 landun gutxiago. Hiriburuei dagokienez, Bilbon 2.200 pertsona gehiago ari dira lanen, Donostian 600 eta Gasteizen 3.000 lagun jaitsi da.
Okupazioaren hazkundea gizonen artean gertatu da (+ 6.100); emakumeen artean, berriz, 1.600 gutxiago dira. Jatorriari dagokionez, atzerritar okupatuak 3.800 gehiago dira (+ % 4,2), eta espainiarrak, berriz, 700 gehiago (+ % 0,1).
Okupazioak gora egin du sektore guztietan, lehen sektorean izan ezik
EAEko biztanleria landunak gora egin du zerbitzuetan, 3.200 pertsona gehiago dira, alegia (+ % 0,4), 1.300 pertsona gehiago eraikuntzan (+ % 2,4) eta 700 lagun gehiago industrian (+ % 0,4); lehen sektorean, ordea, behera egin du, 700 pertsona (- % 7,4) gutxiago dago lanean.
Hamar etxetatik ia seitan biztanle aktibo guztiak landunak dira
2024ko hirugarren hiruhilekoan, EAEn 923.600 etxe inguru daudela zenbatetsi da, eta horietatik heren batean ez dago biztanle aktiborik, aurreko hiruhilekoan baino 900 gehiago; hamar etxetatik ia seitan biztanle aktibo guztiak landunak dira, 200 familia gutxiago. Biztanle aktibo guztiak langabezian dituzten familiak 27.200 dira, aurreko hiruhilekoan baino 1.100 gutxiago.
Albiste gehiago ekonomia
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".
Zuiako bizilagunek mila alegazio aurkeztu dituzte Solariaren proiektuen aurka
Aurkeztutako argudioen arabera, eraiki nahi diren parke fotovoltaikoak "mehatxu larria dira natura-ingurunearentzat, gizarte-ehunarentzat eta tokiko ekonomiarentzat".
Gasteizko lorezainek grebari eutsiko diote, azken bilera akordiorik gabe amaitu baita
ELA, LAB eta ESK sindikatuek "ulertezintzat" jo dute Udalak Enviserren "kontratua ez etetea" eta lan-baldintzen hobekuntzei "mugak jartzea".