EAEko entitateen % 12k darabilte Adimen Artifiziala, Euskadin hasiberria den arloa
Euskal Autonomia Erkidegoko (EAE) entitateen % 12,2k erabiltzen dituzte gaur-gaurkoz Adimen Artifizialeko (AA) sistemak. Sektorea, hortaz, hastapenetan dago, baina hazkundean.
Euskadiko Adimen Artifizialaren Zentroak (BAIC, ingelesezko sigletan) teknologia horrek gurean duen egoeraren diagnostikoa landu du, egin den lehena. BAIC 2021ean sortu zuten EAEn Adimen Artifizialaren garapena bultzatzeko (700 agentek hartzen dute parte, eta erakunde publikoak, enpresak eta prestakuntza zentroak daude tartean).
Txostenak 2023ko datuak bildu ditu, eta AAren ekosistemaren erradiografia egiteko balio du. Ikerketa gaur aurkeztu dute Bilbon, eta bertan izan dira, besteak beste, Mikel Jauregi Industria, Trantsizio Energetiko eta Jasangarritasuneko sailburu eta BAICeko presidentea eta Laura Maron zentroko zuzendari nagusia.
Diagnostikoaren arduradunek aitortu duenez, teknologia mota horren ezarpen maila "hastapenetan" dago, baina uste dute Euskadik "oinarri sendoa" duela etorkizunean "nazioarteko erreferente" bilakatzeko. Txostenaren aurkezpenean azaldu dutenez, EAE Estatuko ezarpen mailatik "apur bat gorago" dago, Erresuma Batua, Frantzia edo Alemaniaren "pare". Hala, entitateen % 12k darabilte AA, eta % 26k edozein datu-iturritako Big Data aztertzen dute. Administrazio publikoan apur bat zabalduago dago, % 16,4k erabiltzen baitute dagoeneko.
Enpresa ehunari dagokionez, gutxienez 89 enpresa ari dira Adimen Artifizialeko soluzioak hornitzen. Iaz, 105 milioi euroko fakturazioa izan zuten konpainiok. Horrez gain, AA euren sistematan txertatu zuten enpresek batez beste % 9 igo zuten euren fakturazioa. BAICek egindako kalkuluen arabera, 7.500 profesional dabiltza AArekin lanean —gehientsuenak, % 83, enpresa pribatuetan—, baina oraingoz, biztanleria aktiboaren % 0,68 baino ez dira.
Hezkuntza eskaintzak gora egin du azken urteotan, eta egun 35 prestakuntza-produktu daude eskura (graduak, masterrak edo ikastaroak). Urtero, 900 pertsonak lortzen dute Adimen Artifizialean espezializatzea, baina oraindik ez dira nahiko eskariari aurre egiteko. BAICek uste du 2028rako % 20 hasiko dela trebatutakoen kopurua.
Ikerketa alorrean, 1.200 profesional (komunitatearen ia % 6) ari dira ikerkuntza lanetan.
Azpiegiturei dagokienez, Datuak Prozesatzeko 21 Zentro (CPD) daude Euskadin (publikoak, erdi-publikoak eta pribatuak) eta errendimendu altuko 6 konputazio-zentro (HPC) —2026rako berri bat irekiko dute—. Hain justu, CPD zentroek industriarentzat duten garrantzia azpimarratu du Nerea Aranguren Mondragon Korporazioko Makina-erremintaren eta Automatizazio Industrialaren dibisioetako zuzendari nagusi eta BAICeko presidenteordeak. Errendimendu altuko ordenagailuak, aldiz, energia sektorearentzat izango dira baliagarriagoak, datuak prozesatzeko duten beharragatik.
Bestalde, Mikel Jauregi Industria sailburuaren hitzetan, AA "iraultza historikoa" da, eta "mugarri" izango da industriarentzat. "Sinetsita gaude AA euskal industriak nazioartean duen lehiakortasuna areagotzeko abagunea dela, eta inoiz ez bezalako industria-iraultza honetan protagonista izateko lan egingo dugu. Industria gehiago eta industria hobea aldarrikatzen dugunean, AAren moduko erremintak gure ekonomia-ehunean txertatzeaz ari gara, Europako industrializazio berrian lider izateko", nabarmendu du.
Albiste gehiago ekonomia
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.
Zenbateko potentzia elektrikoa behar du Euskadik?
Industria, Trantsizio Energetiko eta Jasangarritasun Sailak 6.000 MW gehiago eskatu ditu bere sarean, helburu industrialak eta deskarbonizazioa betetzeko.
Eusko Jaurlaritzak eta banku-erakundeek gazteentzako lehen etxebizitza eskuratzeko abalen programa jarri dute abian
Kutxabankekin, Laboral Kutxarekin eta Abancarekin ekin zaio programari, oraingoz lankidetza-hitzarmena sinatu dutenekin; baina, zabalik da erakunde gehiagok bat egin ahal izango dutela aurreikusten da. Finantzatu beharreko etxebizitzen erosketa-prezioa ezin izango da 340.000 eurotik gorakoa izan.
Albiste izango dira: Ustelkeriaren aurkako txostena Nafarroan, sare elektrikoari buruzko bilera Madrilen eta Venezuelako ontzi bati erasoa
Gaurkoan Orain-en albiste izango direnen laburpena, bi hitzetan.
Euskal gehiengo sindikalak pentsiodunen mobilizazioarekin bat egin du Herri Ekimen Legegilea izapidetzea eskatzeko
ELA, LAB, ESK, Steilas, Hiru eta Etxalde ere mobilizatuko dira irailaren 20an EAJri eta PSE-EEri beren jarrera "zuzentzeko" eta gutxieneko pentsioa gutxieneko soldatarekin parekatzeko ekimena izapidetzea eskatzeko.
Euskadiko inbertsio elektrikoa aztertzeko bilera izan du Jauregik Espainiako Energia idazkariarekin
Joan Groizard Energiaren Estatu idazkariarekin batzartu da Jauregi, 2025-2030 aldirako elektrizitatea garraiatzeko sarea planifikatzeko proposamenaren barruan sare elektrikoetan egingo den inbertsioari buruz eta horrek Euskadin izango duen eraginaz mintzatzeko.
Abian da siderurgiako mahai sektoriala, muga-zergen eraginaren diagnosi partekatua egin eta laguntza-bideak aztertzea xede dituela
Mahaiaren lehen bileran, Mikel Jauregi sailburuak sektore siderurgikoarekiko erakundeen konpromisoa nabarmendu du. Azaldu duenez, sektore horrek nazioarteko merkataritzarekiko esposizio handia du, eta funtsezkoa da Euskadiko egitura esportatzailean, eta Trumpek ezarritako % 50eko muga-zergek sektorearen lehiakortasuna kolokan jarri dute.