EH Bilduk ez dio osoko zuzenketarik aurkeztuko Jaurlaritzaren aurrekontu proiektuari, negoziatzen jarraitzeko
Eguerdian amaitzen da Eusko Jaurlaritzak aurkeztutako 2025eko aurrekontu proiektuari osoko zuzenketak aurkezteko epea, eta EH Bilduk iragarri du ez duela osoko zuzenketarik aurkeztuko. Horren ordez, koalizio subiranistak zuzenketa partzialak erregistratuko ditu "negoziazioari eta elkarrizketari" bide emateko, eta akordioa lortzeko ahaleginetan jarraitzeko.
Euskadi Irratiko "Faktoria" saioan egin dioten elkarrizketan Pello Otxandiano EH Bilduren Eusko Legebiltzarreko bozeramaileak azaldu duenez, abenduko bigarren edo hirugarren astera arte negoziatzen jarraitzeko "denbora dago" eta "aukera aprobetxatu" egin behar da. Esparru batzuetan posizioak hurbiltzea lortu duten bitartean, beste batzuetan jarrerak urrunago daudela onartu du koalizio subiranistak.
EH Bilduk gaur-gaurkoz negoziazio mahaian jarri dituen bi gai nagusiak etxebizitza eta lanbidearteko gutxieneko soldata propioa (SMI) dira. Otxandianok gezurtatu egin du, atzo koalizioak egin bezala, EH Bilduren hirugarren proposamenak fiskalitateari buruzko puntua jasotzen zuela. Are gehiago, akordioa errazteko bi gai (fiskalitatea eta zaintza) erretiratu egin zituztela nabarmendu du. Edozein kasutan, etxebizitzari buruzko proposamenean fiskalitateari lotutako puntu bat bazegoela adierazi du, zehazki, erreferentziazko prezioaren indizetik behera alokatzen duenari hobari fiskalak ezartzea eta gainetik alokatzen duenari, berriz, penalizazioak. Dena dela, akordioa lortzeko neurri hori ere kanpoan uzteko prest agertu da.
Otxandianok jakinarazi duenez, Eusko Jaurlaritzak mahai gainean jarritako azken proposamenak 32 puntu jaso ditu, tartean, etxebizitzarena eta lanbidearteko gutxieneko soldatarena. Etxebizitzari dagokionez, gobernuak egindako proposamena "ez nahikoa da erabat" EH Bildurentzat. 2022ko aurrekontu akordioa 86 milioi euroren truke egin zutela eta orain 34 milioiko proposamena egin dietela salatu du legebiltzarkide subiranistak, erdia baino gutxiago. Neurri "ausartak" behar direla aldarrikatu du eta horien artean aipatu ditu, besteak beste, etxebizitza parke publikoa handitzea, etxebizitza turistikoak mugatzea eta etxebizitza hutsak mobilizatzea.
Lanbidearteko gutxieneko soldatari lotuta, aurrerapausoak eman direla eta posizioak "nahiko gertu" egon daitezkeela onartu du Otxandianok. Hala ere, oraindik zehaztapen batzuk argitzea falta dela esan du, tartean, ze kolektibori eragingo dien (EAEn sinatzen diren lan hitzarmenak, estatalak, lan hitzarmenik gabekoak).
Mikel Torres Eusko Jaurlaritzako lehendakariorde eta Ekonomia, Lan eta Enplegu sailburuak, bere aldetik, uste du "oso gertu" egon litekeela 2025eko EAEren aurrekontuen inguruko akordioa EH Bildurekin.
Eusko Jaurlaritza sostengatzen duten bi alderdiek (EAJ eta PSE-EE) 2025erako aurrekontuak onartzeko gehiengo osoa badute ere, akordio hori zabalagoa izatea nahi dute. PPk eta Sumarrek negoziazioekin ez jarraitzea erabaki dute, eta, hortaz, orain EH Bildu da aukera bakarra.
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.