SATSEk irabazi ditu Osakidetzako hauteskundeak, 89 ordezkari lortuta, eta ELAk bigarren tokiari eutsi dio
SATSE sindikatuak irabazi ditu Osakidetzako hauteskunde sindikalak. Guztira 89 ordezkari lortu ditu eta, hortaz, lehen indar izaten jarraituko du. Azken hauteskundeetan baino 11 ordezkari gehiago lortu ditu. ELAk, berriz, bigarren tokiari eutsi dio, eta 81 ordezkari izango ditu, orain 11 urte egindako hauteskundeetan baino 7 gehiago.
Nabarmen atzerago, LABek 44 ordezkari izango ditu, aurreko hauteskundeetan baino bi gehiago; eta 34na dituzte Medikuen Sindikatuak (SME, gazteleraz) eta UGTk.
UGT da igoera handiena izan duena, 12 ordezkari gehiago lortuta, eta CCOO, ordezkaritza galdu duen bakarra: 29 izango ditu, bi gutxiago. Jarraian ESK 27rekin, 9 irabazita; eta azkena, Erizain Laguntzaileen Batasun Sindikala (USAE), 23 ordezkarirekin.
Atzoko bozetan, duela 11 urteko azken hauteskundeetan baino 45 ordezkari gehiago hautatu dituzte: 361 guztira.
Lehen balorazioak
SATSEk "garaipen ukaezin"tzat jo ditu lortutako emaitzak, "erizainen, fisioterapeuten eta beste profesionalen artean" duen lidergoa berresten dutela nabarmenduta. Amaia Mayor SATSE Euskadiko idazkari nagusiaren iritzian, "gaur jasotako konfiantza inoiz baino indar gehiagorekin lan egiteko bultzada ematen digu".
Erizainen ordezkariak hauteskunde kanpainan egindako aldarrikapenak lortzeko lanean jarraituko duela azpimarratu du. Besteak beste, "Osakidetzaren etorkizuneko osasun ereduan erizain eta fisioterapeutek paper garrantzitsua izatea bermatzea", zuzendaritza taldeetan txertatuta. Gainera, euren potentzial profesionala garatzeko preskripzio gidak eskatzen jarraituko dute. Azkenik, langileen egonkortasuna galdegingo dute: "Errotazio altuak eta egiturazko behargin faltak ezin dute herritarrek merezi duten osasun arreta baldintzatu", adierazi du.
ELAren iritzian, emaitzok "korporatiboa ez den lehen sindikatu gisa kontsolidatu" dute, eta hainbat langile batzordetan eta Gorlizko eta Santa Marinako erietxeetan lortutako garaipenak nabarmendu ditu. Esther Saavedrak zuzentzen duen arlo sektorialaren arabera, "Osakidetza agenda publiko eta politikoan kokatzea lortu duen kontrabotere-sindikalismoari babesa" eman diote langileek.
Defendatu duenez, Osasun Zerbitzu Publikoak dituen "arazo larriak" konpontzeko "ezinbestekoa" da plantilla osoaren lan-baldintzak hobetzea, kategoria edozein dela ere.
Horretarako, inbertsioa handitu behar da, eta Osakidetzako Mahai Sektoriala edukiz hornitu behar da, eta "ez foro paraleloak sortu, hala nola Osasun Ituna, mahai horrek gaia tronkalak jorratzen ez dituen bitartean".
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.