Glovoren sortzaileak dio eredu aldaketaren helburua "gatazka legalak saihestea" dela
Oscar Pierre Glovoren sortzaile eta kontseilari delegatuak Bartzelonako epaitegi batean deklaratu du astearte honetan, eta ziurtatu du enpresak banatzaileei lan-kontratuak egiteko erabakiaren helburua "auzitegietan eta Lan Ikuskaritzan eztabaidak saihestea" dela, nahiz eta egungo eredua legezkoa dela uste duen. Halaber, adierazi du erabakiak ez duela zerikusirik bere defentsa-estrategiarekin.
Pierrek inputatu gisa deklaratu du Bartzelonako 31 zenbakiko instrukzio-epaitegiko titularraren aurrean, Delitu Ekonomikoen Fiskaltzak bere aurka aurkeztutako salaketa batek abiatutako prozesu judizialaren baitan. Banatzaileak autonomo gisa mantendu eta langileen eskubideen aurkako delitua egin izana egozten dizkiote.
Deklarazioaren bezperan, Glovok iragarri zuen autonomo faltsuen eredua utzi eta soldatapeko banatzaileak kontratatuko dituela.
Defentsaren abokatuaren galderei erantzunez, Pierrek berretsi du Glovoren lan-ereduaren aldaketaren iragarpena "kointzidentzia" baino ez dela. Azaldu du, riderrak (banatzaileak) autonomo faltsu gisa kontratatzeagatik hainbat zigor jaso ostean, "bake soziala" bilatzen duela, Lan Ikuskaritzarekin eta arazo judizialak izaten jarraitzea saihesteko.
Hala ere, ziur dago orain arteko kontratazio-sistema legezkoa dela. Epailearen aurrean argudiatu duenez, azken urteetan Glovo banatzaileen kontratazio-eredua aldatzen joan da ebazpen judizialetara, lan-arloko ebazpenetara eta indarrean dagoen araudira egokitu ahal izateko.
Defentsak hedabideei bidalitako komunikatuaren arabera, Pierrek azaldu du konpainia 2014an eratu zenean, Lan Ikuskaritzak begi onez jo zuen banatzaileak autonomo gisa aritzea. 2018an, ordea, "irizpidea aldatu zuen" eta banatzaileak "laboralizatzeko" eskatu zion konpainiari. Prozesu hori Auzitegi Gorenaren epai batekin amaitu zen.
Ondorioz, Pierrek berretsi du Fiskaltzaren salaketa "lehen lan-ikuskapenen ebazpenetan" oinarritzen dela eta, ebazpen horiek aztertu zituen, eta hainbat eredu-aldaketa eragin zituztela kontratazioan, Ikuskaritzaren irizpidera egokitzeko.
CGT sindikatua akusazio partikular gisa aurkeztu da Fiskaltzak abiatutako prozesu honetan, "duintasunaren eta lan-eskubideen aurkako abusuzko eta iruzurrezko jardunbideei amaiera emateko helburuarekin". Pierrek uko egin dio sindikatuaren abokatuaren galderei erantzuteari astearte honetako saioan.
Sindikatuak zuhur agertu dira, eta langileek zalantzak dituzte oraindik etorkizunari begira.
Espainiako Gobernuak "riderren legea" onartu zuen 2021ean; lege horrek plataforma digitala behartzen zuen banatzaileak soldatapeko gisa kontratatzera.
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.