Milaka lagun elkartu dira Iruñean Nafarroako industriaren etorkizunaren defentsan
4.000 pertsona inguru bildu dira, Espainiako Gobernuaren Ordezkaritzaren arabera, gaur eguerdian Iruñean, Volkswagen Nafarroa, Nano Automotive, Siemens-Gamesa, Sunsundegui, BSH, Tasubinsa eta Tenerias Omegako enpresa-batzordeek deitutako manifestazioan, Foru Erkidegoko industriaren etorkizuna defendatzeko aldarria kalera ateratzeko.
Nano Automotive itxi egin dute, BSHk ekainerako du itxiera data, Sunsundegui hartzekodun konkurtsoan dago, kaleratzeak iragarri ditute Siemens Gamesan, Tenerias Omega ere ixtekoak dira... Hori guztia ikusita, enpresa-batzordeek dei egin diote Nafarroako Gobernuari legedi "bermatzaile" bat ondu dezan "deslokalizaziorik izan ez dadin eta enpresa batek bere jarduera edozein modutan eten ez dezan".
Mobilizazioa 12:00ak pasatxo zirenean abiatu da Europa plazatik, "Nafarroako industriaren alde" lelopean. Manifestazioa deitu duten enpresa-batzordeen aldarrikapenak jaso dituzten hainbat pankarta ere ikusi dira bertan. Baiona etorbidea, Armada etorbidea, Nafarroa Beherea, Karlos III.a igaro eta Gazteluko plazaraino heldu den ibilbidean, besteak beste, aldarri hauek oihukatu dituzte: "Industriarik gabe ez dago etorkizunik", "Langile kaleratua, patroia zintzilik" eta "Ez gara zenbakiak, familiak gara".
Komunikabideen aurrean egindako adierazpenetan, Juanjo Hermoso de Mendoza BSHren Eskirozko enpresa-batzordeko presidenteak, deitzaileen ordezkari gisa, nabarmendu du industria-sektorea "funtsezkoa" dela "Nafarroaren garapenean eta ongizatean", eta "jende asko ordezkatzen du, beste jarduera sektore batzuen aktibazio ekonomikoa bultzatzen duelako".
Horren esanetan, gaur egun 2.000 lanpostu daude kolokan Nafarroan.
Hermoso de Mendozaren arabera, "langile-klasea da enpresek duten aktiborik handiena", eta laguntza publikoak jasotzen badituzte, "langile-klasetik ere ateratzen dira ekarpenak". Hori dela eta, "bizitza-proiektuak garatzeko aukera emango digun 'itzultze soziala' bermatu behar da, proiektu industrialak mantenduz, lanpostuak mantentzeko konpromisoa barne".
Gauzak horrela, zazpi batzorde deitzaileek "legedia bermatzaile bat artikulatzeko ekarpen eraikitzaileak" eskatu dizkiete eragile politikoei, "Industria Legearen bidez, eta Nafarroan indarrean dagoen deslokalizazioaren aurkako legea hobetuz". "Nafarroako industriaren etorkizuna zaindu behar da", erantsi dutenez.
Ildo horretan, "enpresak gizarteari itzulera bat egiteko konpromisoa egon behar da", horren aburuz, eta Foru Gobernuari eskatu dio "benetan bermatzailea den legedia bat artikulatzeko, deslokalizaziorik gerta ez dadin eta enpresa batek bere jarduera edozein modutan eten eta langileak babesgabetasunean zein erabateko abandonuan utzi ez ditzan".
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.