BSHko beharginek lantegiaren etorkizunari buruzko lantaldearen "berririk gabe" jarraitzen dute
Ezkirozko BSHko 655 langileek azken egunetan ez dute berririk jaso, lantegiaren etorkizunaz eztabaidatzeko joan den astean Nafarroako lehendakariak iragarri zuen lantaldearen inguruan. Izan ere, Alemaniako multinazionalak sei hilabeteren buruan lantegia itxiko zuela aditzera eman zuen urte amaieran, eta Nafarroako Gobernuak eta Espainiakoak enpresarekin lantalde hori eratzea adostea lortu zuten, lantegia salbatzeko aukera guztiak aztertzeko helburuz.
"Jendea adoregabe dago, atsekabetuta eta motibazio faltan", Langile Batzordeak EFEri azaldu dionaren arabera. Nafarroako Gobernuarekin harreman estua dute (atzo bertan bildu ziren Exekutiboari informazioa emateko), eta joan den astean iragarritako lantaldearen bilerarako data noiz jarriko zain jarraitzen dute; enpresako, Nafarroako Gobernuko eta Espainiako Gobernuko kideak izango dira mahai horretan.
"Legeak ezartzen dituen sei hilabete hauek probestu behar ditugu egoera iraultzen saiatzeko, baina enpresa gurekin esertzen ez den bitartean, alferrik da", langileen esanetan.
Horregatik, funtsezkoa da, horien ustez, jasaten ari diren egoera zaila ikusarazten jarraitzea. Horretarako egin dute, esaterako, ekoizten dituzten etxetresnen publizitatea modu sarkastikoan imitatzen agertzen diren bideoa, eta "BSH ez itxi" dioten kamiseta horiak jarri dituzte Nafarroako errepideetako hainbat puntu, biribilgune eta bidegurutzetan.
"Gu mugitzen ari gara eta alde guztietan presioa egin nahian ari gara, baina enpresak ez badu mugitzeko asmorik...", deitoratu dute, eta ohartarazi, zuzendaritzak "enpresen itxieretan adituak" diren abokatu-etxe bati eman diola jada alderdi legalak kudeatzeko enkargua.
Horregatik, eta nahiz eta orain arte beharginek "euren zereginetatik haragoko gauzak egitea ohiko kontua zen, orain atsekabea hain handia denez, euren lan-hitzarmenean jasotakoak baino ez dituzte egiten", azaldu dute.
"Uste dut hemendik eta ekainera bitartean giroa jasangaitza izango dela", aurreratu du, ezkor, Langileen Batzordeko kide batek.
Zure interesekoa izan daiteke
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.
Eusko Jaurlaritzak Administrazio Orokorreko 461 lanpostu betetzeko EPEan izena emateko epea ireki du
Izen-emate telematikoa irailaren 16an amaituko da, eta lehen azterketak 2027ko urtarrilean egitea aurreikusi da.
Milioi bat euroko zigorra ezarri diote AVIS enpresari, trafiko isunengatik bezeroei kudeaketa gastuak kobratzeagatik
Autoak alokatzen dituen enpresak 33,88 eta 45 euro arteko errekargua aplikatzen du isunaren ordainketa kudeatzeagatik eta administrazioari arau-hauslearen nortasuna jakinarazteagatik.
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.