"Gure Ardoak" Euskadiko edarien erakusleihoa izan da Euskalduna Jauregian
Bilboko Euskalduna Biltzar Jauregian izan da astelehen honetan "Gure Ardoak–Euskal edarien elkargunea", Euskadiko Edarien Aretoa. Topaketak euskal edarien kategoria guztietako 101 upategi eta ekoizle bildu ditu, merkaturatzeko eta kontsumitzeko bide nagusietan duten presentzia indartzeko helburuarekin.
Eusko Jaurlaritzako Elikadura, Landa Garapen, Nekazaritza eta Arrantza Sailak eta HAZI fundazioak antolatu dute ekitaldia, eta bertan izan dira Imanol Pradales lehendakaria eta Amaia Barredo arlo horretako sailburua.
Pradalesek edarien sektoreak Euskadin duen garrantzia azpimarratu du, "garapen ekonomikorako motor gisa, gure nortasunaren isla gisa eta gure nekazaritzako elikagaien bikaintasunaren erakusgarri gisa". Gainera, tokiko eremuan sustapenak duen garrantzia eta ostalaritzak eta sukaldaritzak euskal produktuen aldeko apustua egiteko beharra azpimarratu ditu.
Showrooma ostalaritzako, banaketako eta txikizkako merkataritzako profesionalei zuzenduta egon da, eta Arabako Errioxako ardoak, Arabako, Bizkaiko eta Getariako txakolinak, Basque Beer garagardoak, Euskal Sagardoa sagardoak, likoreak eta tokiko destilatuak ezagutzeko eta dastatzeko aukera izan dute bertaratutakoek. Gainera, ekitaldiak B2B gune bat izan du, ekoizleen eta sektoreko profesionalen arteko bilerak egiteko.
Erakusketan, dastaketak egiteko bi eremu egokitu dituzte sektoreko profesionalen artean Euskadiko edarien kalitatea eta aukera ezagutarazteko asmoz. Horri esker, bertaratu direnek enologian, sommelier lanetan, edari destilatuetan eta artisau-garagardoetan adituak eta profesionalak direnen eskutik produktuak ezagutu eta baloratzeko aukera izan dute, bertatik bertara.
Era berean, Michelin sukaldari izarra duen Sergio Zaratek sagardoen eta ardoen uztartze-erakustaldi batean parte hartu du, hainbat proposamen gastronomikorekin.
Bileran, Eusko Jaurlaritzak mahastizaintza eta ardogintzaren eta edarien sektorearekin duen konpromisoa berretsi du, prestakuntza, berrikuntza, jasangarritasuna eta merkaturatze-estrategiak barne hartzen dituen ekintza-plan integral baten bidez. Identifikatutako erronken artean daude sektorearen errentagarritasuna eta lehiakortasuna, belaunaldiearteko erreleboa eta produktuak nazioartekotzea.
Albiste gehiago ekonomia
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.