Amurrioko lantegiko labearen matxura aste amaieran konpontzea espero du Tubos Reunidosek
Tubos Reunidosek aste honen amaieran konponduko du Amurrioko lantegiko labean atzemandako matxura. Horren ondorioz, labea itzali behar izan dute eta 250 langile inguruk ezin dute lanik egin. Hala ere, gehiengo sindikalarekin akordioa lortu du enpresak orduen errekuperazio partziala egiteko, konpainiak Europa Press albiste-agentziari jakinarazi dionez.
Joan den astean enpresa horren Amurrioko plantak dituenetako labe batek izan zuen matxura, eta laminazio trenaren burualdeko labea da, hain zuzen.
Labe kanpotik ezin zenez konpondu, enpresak labea itzali zuen, hozteko, eta, azkenik, astearte goizean barrura sartu ahal izan dira, matxuraren jatorria aurkitzeko.
Matxura identifikatu dute dagoeneko, eta, zehazki, zolan (plater birakaria) zegoen. Horrek materialaren dilatazioaren ondorioz labearen pareta ukitzen zuen.
Tubos Reunidosek adierazi duenez, matxura konpontzen saiatzeko lanean ari dira, eta aste honen amaierarako matxura konponduta egotea espero dute, gorabeherarik egon ezean, labea datorren astelehenean martxan egon dadin eta "taldeak normaltasunez lan egin dezan".
Itzaltze horren ondorioz, 250 langile inguru ezin izan dira lanera joan iragan igande gauetik, baina enpresak azaldu duenez, aste honetarako, Amurrioko Enpresa Batzordeko gehiengo sindikalarekin akordioa lortu dute eta orduen errekuperazio partziala izango dute langileek.
Zure interesekoa izan daiteke
Medikuek hiriburuetan egindako manifestazioekin eman dute amaitutzat estatutu propioa eskatzeko astebeteko greba
Parte-hartze handia egon dela ziurtatu dute, eta ezohikoa izan arren, zerbait lortzeko grebaren bidea azpimarratu besterik ez dutela egin. Aldaketarik ez badago, grebaren bigarren astea martxoaren 16an hasiko da.
Lehendakariak iragarri du Ayesaren egoitza Donostian egongo dela
Pradalesek adierazi duenez, Eusko Jaurlaritzak eta erosketan parte hartzen ari diren gainerako akziodunek erabakia hartu dute jada. "Ayesa Donostian sortu eta garatu zen, eta bertan jarraitu behar du", esan du.
Etxebizitzen salerosketak % 14,7 hazi ziren iaz EAEn, 2007ko burbuilako markak gaindituz
INE Espainiako Estatistika Institutuak gaur jakinarazi dituen datuen arabera, salerosketen kopuruak bigarren urtez jarraian egin du gora.
Jauregik dio industria bazkide bat aurkitu behar dela, eta horretarako ezinbestekoa dela zorraren arazoa konpontzea
Mikel Jauregi Eusko Jaurlaritzako Industria sailburuak bere elkartasuna adierazi die Tubos Reunidoseko langileei, baina enpresaren egoera oso larria dela nabarmendu du. Gakoa industria bazkide bat aurkitzea dela esan du, eta gaineratu du horretarako ezinbestekoa dela zorraren arazoa konpontzea.
Ayesaren egoitza Donostian egongo da
Imanol Pradales lehendakariak iragarri du Ayesaren egoitza Donostian egongo dela, akziodunek adostu dutenez.
Albiste izango dira: Medikuen greba, Tubos Reunidos eta Maderas de Llodio enpresetako langileen mobilizazioa, eta Eusko Legebiltzarreko kontrol saioa
Orain.eus atarian gaur albiste izango direnen laburpena, bi hitzetan.
Tubos Reunidos eta Maderas de Llodio enpresetako langileak enplegu-erregulazioko espedienteen aurka mobilizatuko dira gaur Araban
Arabako udalerriko San Jose biribilgunetik abiatuko da bi konpainietako enpresa-batzordeek eta SOS Aiaraldea plataformak deitutako mobilizazioa. Aiaraldeko herritarren babesa lortzea espero dute.
Langile talde batek Metal Group erosi eta Legutioko planta salbatu nahi du
Duela aste batzuk, enpresak itxi zuen, bezero nagusiak bere piezak erosteari utzi eta Txinan erostea erabaki ondoren.
Sidenorren otsailaren 10eko erregistroa baliogabetzeko eskatu dio Jainagak Espainiako Auzitegi Nazionalari
Espainiako Polizia Nazionala Basauriko Sidenorren egoitzara sartu zen Israeli altzairua saltzeagatik egindako ikerketari buruzko informazioa biltzeko.
Maderas de Llodioko langileek "justifikaziorik gabe" kaleratutako lankideak lehenbailehen berriz har ditzala eskatu diote Garnicari
150 egun baino gehiago greba mugagabean daramatzaten langileek agerraldia egin dute ostegun honetan, enpresak alegatutako antolakuntza eta ekoizpen arrazoiak ezin frogatuta, 35 langileren kaleratzea legez kanpokotzat jotzen duen EAEko Justizia Auzitegi Nagusiaren epaia baloratzeko. Lan Ikuskaritzarekin eta erakundeekin biltzea eskatuko dutela iragarri dute beharginek, "enpleguaren suntsiketa" gelditzeko beharrezkoak diren mekanismoei buruz hitz egiteko.