Zentral nuklearren itxiera berriro negoziatzea eskatu diote Iberdrolak eta Endesak Espainiako Gobernuari
Konpainia elektrikoek berreskuratu egin dute energia nuklearraren eztabaida. Horren ildotik, Iberdrolak eta Endesak itzalaldi nuklearra berriro negoziatzeko eskatu diote gaur Espainiako Gobernuari.
2019an, Exekutiboak eta zentralen jabe diren enpresek nuklear guztiak ixteko egutegia adostu zuten. 2027an hasiko da prozesua, hain zuzen ere, eta 2035ean bukatu.
Ignacio Sanchez Galan Iberdrolako presidentearen esanetan, energia nuklearra "guztiz beharrezkoa" da "argiak piztuta mantentzeko".
2024ko emaitzak aurkezteko agerraldi batean, Galanek esan du "ikuspegi komuna" adostu behar dela energia nuklearraren etorkizunari buruz, eta energia mota horrek "zerbitzu lehiakorra" eman dezakeela iritzi dio.
Bere aldetik, Jose Bogas Endesako kontseilariak itxiera egutegia "berrikustea" eskatu du, eta gogorarazi du bera "beti" egon dela energia nuklearraren alde.
Halaber, egungo egoera eta 2019koa "guztiz ezberdinak" direla azpimarratu du, eta gogora ekarri du Belgikan eta Alemanian zentral nuklearren aldeko eztabaida berreskuratu dela. Horregatik, "Estatu ituna" eskatu du energiaren inguruan.
Espainiako Gobernua: "Ikusiko dugu zer proposatzen duten"
Testuinguru horretan, Sara Aagesen Trantsizio Ekologikorako ministroak nabarmendu du enpresek eurek "zehaztu" zutela itzalaldi nuklearraren egutegia. Dena dela, "orain zer proposatzen duten" aztertu beharko duela erantsi du.
Ministroak azaldu duenez, "Gobernuaren marra gorria" da enpresek ordaindu behar dituztela hondakin erradioaktiboak kudeatzeko 20.000 milioi euroak. "Argi eta garbi, kontsumitzaileek ez dituzte tasak ordaindu behar", iritzi dio.
Bestalde, Iberdrolak eta Endesak mozkin "handiak" izan berri dituztela gogorarazi du.
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.