Zer-nolako eragina izango dute Trumpen muga-zergek Euskadin eta Nafarroan?
Donald Trumpen administrazioaren muga-zergek eragin nabarmena izango dute euskal ekonomian.
Euskadik urtero 2.000 milioi euroko balioko produktuak esportatzen ditu Estatu Batuetara, kanpora egiten dituen salmenten % 6,4. Muga-zerga berriekin, Eusko Jaurlaritzaren lehen kalkuluen arabera, 400 milioi euro baino gehiagoko gainkostua izango dute horrelako produktuak ekoizten dituzten enpresek.
Sektore kaltetuenen artean daude automobilgintza, makina-erreminta, elikagaien industria (bereziki ardoa eta txakolina) eta altzairua. Azken horrek dagoeneko jasan ditu Asiako herrialdeei ezarritako tasek eragindakoak, eta orain % 25eko muga-zerga izango du AEBra egiten dituen esportazioetan.
Automobilgintzan izandako eragina nabarmena da: 2023an, Euskadik 61,1 milioi euroko balioa zuten ibilgailuak eta osagaiak esportatu zituen Estatu Batuetako merkatura. Elikaduran, kolpe gogorrari egin beharko dio aurre EAEko ardoak, AEB baita diru-sarreretan lehen helmuga eta bolumenean bigarrena, 36,4 milioi eurotan baloratutako esportazioekin.
Guztira, EAEko 1.040 enpresak esportatzen dute Ameriketako Estatu Batuetara, horietako asko industria eta aeronautika sektorekoak, esportazioetan pisu handia dutenak.
Muga-zergek sortutako ziurgabetasunak presioa gehitzen dio euskal ekonomiari eta, beraz, alternatibak bilatu beharko ditu edo onartu beharko du Atlantikoaz gaindiko salmentetan kostuak handituko direla.
Nafarroan, aldiz, Trumpen muga-zergek esportazioen % 3,63etan izango dute eragina. Iaz, Foru Erkidegoko enpresek 367,48 milioi euroko salmentak egin zituzten herrialde hartan.
Salmenta handienak sektore hauetan egin zituen Nafarroak: galdarak, makinak eta gailu mekanikoak (98,2 milioi euro); gailu elektrikoak eta ikus-entzunezko materialak (48,5 milioi); barazkiak (39,7 milioi); burdin eta altzairu galdaketa (22,2 milioi); eta ibilgailuetarako osagarriak (19,6 millones).
Dena dela, Trumpen zergek ez dute eraginik izango Volkswagenen, hots, erkidegoko enpresa pribatu handienean, Landabenen ekoizten dituzten modeloak (Taigo eta T-Cross) ez daudelako salgai AEBn.
Albiste gehiago ekonomia
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".
Zuiako bizilagunek mila alegazio aurkeztu dituzte Solariaren proiektuen aurka
Aurkeztutako argudioen arabera, eraiki nahi diren parke fotovoltaikoak "mehatxu larria dira natura-ingurunearentzat, gizarte-ehunarentzat eta tokiko ekonomiarentzat".
Gasteizko lorezainek grebari eutsiko diote, azken bilera akordiorik gabe amaitu baita
ELA, LAB eta ESK sindikatuek "ulertezintzat" jo dute Udalak Enviserren "kontratua ez etetea" eta lan-baldintzen hobekuntzei "mugak jartzea".