Hezkuntzako sindikatuek astebeteko beste greba ziklo bat deitu dute maiatzerako
EAEko hezkuntza publiko ez-unibertsitarioan gehiengoa duten Steilas, LAB, ELA eta CCOO sindikatuek beste bost greba egun bat deitu dituzte datorren hilabeterako, hots, maiatzaren 12tik 16ra. Argudiatu dute Hezkuntza Sailak helarazi dien azken proposamena ez dela nahikoa, eta "eduki, zehaztapen eta bermeak falta" dituela. Asebetetzen ez dituela jakin arren, salatu dutenez, Begoña Pedrosak zuzendutako Sailak "ultimatum gisa planteatu du, eta negoziaziorako aukera baztertu".
Steilas sindikatuak Bilbon duen egoitzan prentsaurreko batean egin dute iragarpena. Langileen ordezkariek argi utzi dute ez dutela Sailaren proposamena sinatuko, eta beste behin, "benetako negoziazioa" jardun dezala galdegin diote.
Jakina zen sindikatuek mobilizazio gehiago deitzeko asmoa zutela, baina zehazteke zegoen lanuzte kopurua. Euren lan baldintzak hobetzeko eta 2010etik iraungita dagoen lan hitzarmena berritzeko aldarriarekin, urtarriletik bederatzi greba egun egin dituzte Hezkuntzako kolektibo horretan. Horrenbestez, maiatzean ere grebara deituko dituzte berriro 27.000 langileak.
Denbora tarte horretan, Hezkuntza Sailak izan duen jarrera kritikatu dute sindikatuok. "Sailak negoziaziorako atea zabalik duela saldu du behin eta berriro, baina errealitatea bestelakoa izaten ari da", salatu dute. Hala, "jarrera itxia, eszenifikazioa, edukirik gabeko bilerak, eta greba desaktibatzeko xantaiak" egitea leporatu diote Begoña Pedrosa sailburuari. Diotenez, Hezkuntza Sailak "urteak daramatza edukiak inposatzen", eta euren ustez, "harrokeria horrek" eragin du oraingo egoera.
Azken proposamenak aurrekoarekiko dituen aldaketez galdetuta, sindikatuek aitortu dute "alde txikiak, eta aurrerapauso batzuk" izan direla, baina berretsi "nahikoak ez" direla. Argitu dutenez, Sailak badaki zeintzuk diren euren aldarrikapenak, eta horiek "mahai gainean jarri arte ez da benetako negoziaziorik egongo", ohartarazi dute.
Besteak beste, honako aldarrikapenak aipatu dituzte: lan-zamak arintzeko neurri zehatzak, erretiroa hartzeko baldintzak hobetzea, plantillen gazte-berritze plana eguneratzea, galdutako erosahalmena berreskuratzea eta ikastetxe publikoen fusio eta itxieren aurrean enplegu publikoa bermatzea.
Albiste gehiago ekonomia
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.
Zenbateko potentzia elektrikoa behar du Euskadik?
Industria, Trantsizio Energetiko eta Jasangarritasun Sailak 6.000 MW gehiago eskatu ditu bere sarean, helburu industrialak eta deskarbonizazioa betetzeko.
Eusko Jaurlaritzak eta banku-erakundeek gazteentzako lehen etxebizitza eskuratzeko abalen programa jarri dute abian
Kutxabankekin, Laboral Kutxarekin eta Abancarekin ekin zaio programari, oraingoz lankidetza-hitzarmena sinatu dutenekin; baina, zabalik da erakunde gehiagok bat egin ahal izango dutela aurreikusten da. Finantzatu beharreko etxebizitzen erosketa-prezioa ezin izango da 340.000 eurotik gorakoa izan.
Albiste izango dira: Ustelkeriaren aurkako txostena Nafarroan, sare elektrikoari buruzko bilera Madrilen eta Venezuelako ontzi bati erasoa
Gaurkoan Orain-en albiste izango direnen laburpena, bi hitzetan.
Euskal gehiengo sindikalak pentsiodunen mobilizazioarekin bat egin du Herri Ekimen Legegilea izapidetzea eskatzeko
ELA, LAB, ESK, Steilas, Hiru eta Etxalde ere mobilizatuko dira irailaren 20an EAJri eta PSE-EEri beren jarrera "zuzentzeko" eta gutxieneko pentsioa gutxieneko soldatarekin parekatzeko ekimena izapidetzea eskatzeko.
Euskadiko inbertsio elektrikoa aztertzeko bilera izan du Jauregik Espainiako Energia idazkariarekin
Joan Groizard Energiaren Estatu idazkariarekin batzartu da Jauregi, 2025-2030 aldirako elektrizitatea garraiatzeko sarea planifikatzeko proposamenaren barruan sare elektrikoetan egingo den inbertsioari buruz eta horrek Euskadin izango duen eraginaz mintzatzeko.
Abian da siderurgiako mahai sektoriala, muga-zergen eraginaren diagnosi partekatua egin eta laguntza-bideak aztertzea xede dituela
Mahaiaren lehen bileran, Mikel Jauregi sailburuak sektore siderurgikoarekiko erakundeen konpromisoa nabarmendu du. Azaldu duenez, sektore horrek nazioarteko merkataritzarekiko esposizio handia du, eta funtsezkoa da Euskadiko egitura esportatzailean, eta Trumpek ezarritako % 50eko muga-zergek sektorearen lehiakortasuna kolokan jarri dute.