Aguraingo Udalak atzera bota du herrian ezartzekoa zen eguzki-parkeen proiektua
Aguraingo Udalak (Araba) uko egin dio udalerrian proiektatutako eguzki-parkeak jartzeari, besteak beste, balio estrategiko handiko nekazaritza-lurra okupatuko lukeela argudiatuta. Arabako udalerri horretan EH Bilduk gobernatzen du, eta koalizioak gehiengoa duenez, ekimena astearteko osoko bilkuran onartzea aurreikusten da.
Udalak ohar batean azaldu duenez, Cañaveras Solar enpresak bi instalazio fotovoltaiko eraiki nahi ditu herrian. Horietako bat 21.720 panelez osatuta egongo litzateke, eta 22,22 hektarea okupatuko lituzke, horietatik 14 balio estrategiko handiko nekazaritza-lur gisa kalifikatutakoak. Bigarren instalaziorako 48.960 panel ezartzea aurreikusten da, 50 hektareatan zehar banatuta.
Gauzak horrela, Udalak enpresari eskatu dio ez dezala balio estrategiko handiko nekazaritza-lurrik okupatu, eta biziguneetan gutxienez 500 metroko tartea ezar dezala, salbuespen eremu bat bermatzeko. Era berean, Aguraingo erakunde publiko, sozial eta ekonomikoei proiektu energetikoak ustiatzeko sortutako sozietatearen jabetzan parte hartzeko eskatu dio enpresari.
Raul Lopez de Uralde herriko alkateak hau eskatu du: "Gure eremu babestuak eta balio estrategiko handiko nekazaritza-lurrak babestea eta energia-ekoizpenaren demokratizazioan urratsak egitea". Gogoratu duenez, "orain arte ezezko erantzuna jaso dugu. Horregatik gaude proiektu hauen aurka".
Amaitzeko, Udalak dio gaur, astelehena, udalbatzan eztabaidatuko den eta bihar osoko bilkuran onartuko den testuan berretsi egiten dela Eusko Jaurlaritzak "bere gain hartu behar duela energia berriztagarrien hedapenean ordena jartzeko betebeharra, lurraldearen energia-beharrei erantzungo dien trantsizio energetiko justu eta demokratikoa bermatuko duten deliberazio-prozesuak bultzatuz".
Zure interesekoa izan daiteke
Makinistek greba abiatu dute, tren zerbitzuaren krisiaren ostean
Jaurlaritzak % 50eko gutxieneko zerbitzuak ezarri ditu puntako orduetan, eta % 25ekoak gainerako orduetan Bilboko eta Donostiako aldiriko bost lineetan, trenbide sektoreko sindikatuek otsailaren 9an, 10ean eta 11n deitutako hiru greba egunetarako.
Amurrioko Tubos Reunidoseko langileek 24 orduko lanuzteari ekin diote, enplegu-erregulazio prozesuari aurre egiteko
Igandeko 22:00etan hasi da lanuztea. Astelehen honetan bilduko da zuzendaritza Amurrioko zein Trapagarango lantegietako ordezkaritza sindikalarekin, eta enplegu-erregulazioko txostenaren berri emango die. UGT beldur da kaleratzeak 130 baino gehiago izango ote diren.
Talgok 1.332 milioi euroko kontratua lortu du Saudi Arabian, abiadura handiko 20 tren egiteko
Jose Antonio Jainaga urtarrilean tren-konpainia horretako presidente izendatu zutenetik sinatutako lehen kontratu handia da. 20 tren horiek Talgok 2018an hornitu zituen 35 trenei gehitu behar zaizkie.
Ertzaintzaren lan eskaintzarako lehen probak atzerapenarekin hasi dira, espero baino jende gehiago aurkeztu baita
Aurreikusitakoa baino ordubete eta laurden geroago hasi dira azterketak, leku eta proba gehiago prestatu behar izan dituztelako; izan ere, hautagaien % 70 aurkeztu ohi dira, eta % 85etik gora bertaratu dira gaurkoan. Segurtasun Sailak ohar bidez azaldu duenez, sindikatuei eman diete jada gertatutakoaren berri, baina Legebiltzarrean agerraldia eskatu du azalpenak emateko.
Eusko Jaurlaritzak eta Espainiako Gobernuak gutxieneko zerbitzuak ezarri dituzte datorren asteko trenbideen sektoreko grebari begira
Trenbideko sindikatu nagusiek (CCOO, UGT eta makinisten Semaf) datorren asterako deitutako grebari eutsiko diote, otsailaren 9tik 11ra.
Metal Groupek enpresa-batzordeekin eta administratzailearekin aztertuko du konkurtsoaren eta lantegien itxieraren ondorengo egoera
COOOko iturriek adierazi dutenez, egoera zaila da, eta, gainera, zaila da lantegien jarraitutasuna bermatuko lukeen erosle bat aurkitzea.
Elkarrekin Podemosek zuzenketak aurkeztuko dizkio turismo-zergari "progresiboa eta udalerrien errealitatera egokitua" izan dadin
Miren Echeveste Elkarrekin Podemosen Gipuzkoako Batzar Nagusietako bozeramaileak esan duenez, bere taldeak "jarrera ireki, arduratsu eta eraikitzailearekin" egingo dio aurre zerga honen negoziazioari, "aurreproiektua indartzeko eta herri eta hirietako bizitzarekin bateragarria den turismo eredu jasangarriago baterantz aurrera egiteko".
Adegi: "Absentismoak gizarte osoaren kezka izan beharko luke, ez bakarrik enpresariena"
Jose Miguel Ayerza Adegiko zuzendari nagusiak positibotzat jo du Cebekek gai horretan neurriak hartzeko eskatu izana. "Eragile guztiok partekatu beharko genuke diagnostikoa, eta neurriak jarri beharko genituzke hori murriztu ahal izateko", gaineratu du.
Donostia da hiribururik garestiena: 6.107 euro metro karratuko
Donostia da, alde handiarekin, hiribururik garestiena, Madril, Bartzelona, Palma eta Bilboren aurretik, baina Gasteiz eta Iruñea ere Estatuko 10 hiri garestienen artean daude.
Enplegu-erregulazioko espedientea bertan behera uzteko eskatu du Tubos Reunidoseko enpresa batzordeak, "borrokari" bidea irekita
Mikel Jauregi Industria sailburuak esan du otsailaren 13an Tubos Reunidoseko enpresa batzordearekin egingo duten bileran konponbideak bilatzen saiatuko direla, besteak beste, enplegu-erregulazioko espedientearen ondorioak "txikitzeko".