Aralarko natura-parkea kudeatzeko plana adostu dute Enirio-Aralarko Mankomunitateak eta Aldundiak
Urteetako gatazkari amaiera emateko asmoz, Aralarko natur parkea datozen 10 urteetan kudeatzeko plana adostu dute Enirio-Aralar Mankomunitateak eta Gipuzkoako Aldundiak. Besteak beste, finantzazio eredua zehaztu dute eta aureikusi dute estrategikotzat jotako hiru mendi bide zabaltzea.
Xabier Arruti Lurralde Oreka Berdeko foru diputatuak azaldu duenez, "kudeaketa akordio egonkorra" adostu dute, eta "aurrerapauso garrantzitsua" egin da. Adur Ezenarro Enirio-Aralar Mankomunitateko lehendakariak, berriz, nabarmendu du ez dela "zerbaiten bukaera, hasiera baino".
Aralarko parke naturalaren oreka bilatzea du helburu akordioak, eta, bereziki abeltzaintza zaintzea. Horregatik, hiru mendi-bide zabaltzea aurreikusi dute. Arritzagako bidea egokitzea, eta Elutxeta eta Pagabe inguruko larreetarako bide berriak zabaltzea. Ezenarrok gogorarazi duenez, "artaldeak mendian ibiltzea funtsezkoa izan da Aralar gaur egun ezagutzen dugun modukoa izan dadin".
Gipuzkoako Foru Aldundiak urtero 350.000 euroko ekarpena eta beharrezko inbertsioak egiteko konpromisoa hartu du. Bestalde, Enirio-Aralar Mankomunitateak erakundearen egitura eta lan kostuak bere gain hartzeaz gain, Plan Orokorrean jasotako ekintza ezberdinak garatzeko behar diren baliabideak ziurtatzeaz arduratuko da.
Plana behin betiko onartu aurretik, erakunde bakoitzak berretsi beharko du eta helegiteak jartzeko aukera ere egongo da. Bi aldeek onartu dute erdibideko akordioa lortu dutela, baina gatazka gainditzeari eman diote lehentasuna.
Albiste gehiago ekonomia
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".
Zuiako bizilagunek mila alegazio aurkeztu dituzte Solariaren proiektuen aurka
Aurkeztutako argudioen arabera, eraiki nahi diren parke fotovoltaikoak "mehatxu larria dira natura-ingurunearentzat, gizarte-ehunarentzat eta tokiko ekonomiarentzat".
Gasteizko lorezainek grebari eutsiko diote, azken bilera akordiorik gabe amaitu baita
ELA, LAB eta ESK sindikatuek "ulertezintzat" jo dute Udalak Enviserren "kontratua ez etetea" eta lan-baldintzen hobekuntzei "mugak jartzea".