Beste herri batzuetako taxiek zerbitzua indartuko dute Bilbon, zale ingelesen irteera errazteko
Bizkaiko Foru Aldundiak baimen berezi bat onartu du asteazken honetan Bilbotik kanpora aritzen diren taxilariek ostegunean, maiatzaren 22an, hiriburuan bezeroak jaso ditzaten, Europa Ligako finalera joan diren zale ingelesen irteera errazteko helburuarekin.
Aldundiko Garraio sailak adierazi duenez, baimen berezia onartu da, "Bilbotik aireportura joateko egongo diren eskaera handien testuinguruan", zerbitzua indartzeko premiari erantzunez.
Arauaren arabera, egun librean dauden – egutegi arautua dagoen kasuetan - beste udalerri batzuetako taxilariek bakarrik izango dute bidaiariak Bilbon jasotzeko baimena.
Horrez gainera, normalean aireportuan lan egin ohi duten 111 ibilgailuek ere hartu ahal izango dituzte bezeroak Bilbon, aireportutik bidaia bat egin ondoren edo goizeko 7ak baino lehen.
Udalerri bakoitzean gutxieneko zerbitzua bermatzeko konpromisoa hartu dute sektoreko elkarteek, herri bakar bat ere arretarik gabe gera ez dadin.
Sonia Perez Garraio, Mugikortasun eta Turismo diputatuak oso positibotzat jo du ohar batean egunotan taxiaren sektorearekin egindako elkarlana.
Bere hitzetan, "maiatzaren 20an aireportuan baimendutako zerbitzuaren indartzeak ondo funtzionatu zuen" eta "logika berarekin" hartu dute ostegunerako neurria.
Albiste gehiago ekonomia
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".
Zuiako bizilagunek mila alegazio aurkeztu dituzte Solariaren proiektuen aurka
Aurkeztutako argudioen arabera, eraiki nahi diren parke fotovoltaikoak "mehatxu larria dira natura-ingurunearentzat, gizarte-ehunarentzat eta tokiko ekonomiarentzat".
Gasteizko lorezainek grebari eutsiko diote, azken bilera akordiorik gabe amaitu baita
ELA, LAB eta ESK sindikatuek "ulertezintzat" jo dute Udalak Enviserren "kontratua ez etetea" eta lan-baldintzen hobekuntzei "mugak jartzea".