ELAk eta LABek lan harremanetarako euskal esparrua aldarrikatu dute Diaz ministroarekin izandako bileretan
Lanbide-arteko gutxieneko soldata propioa eta lan harremanetarako euskal esparrurako urratsak. Besteak beste, aldarrikapen horiek jarri dituzte mahai gainean ELA eta LAB sindikatuek Yolanda Diaz Espainiako Gobernuko bigarren presidenteorde eta Lan ministroarekin izandako bileretan.
ELAren izenean, Mitxel Lakuntza idazkari nagusia, Pello Igeregi Negoziazio Kolektiboko arduraduna eta Ane Zelaia sindikalizazio arduraduna bildu dira ministroarekin, ELAren Bilboko egoitzan. "Gutxieneko soldata propioa, lanaldi murrizketa eta pentsioak euskal langileen beharren arabera erabaki ahal izatea" izan dituzte hizpide, sindikatuaren arabera, eta Diazi adierazi diotenez, "Espainiako legediak ez die Hego Euskal Herriko langileen asmoei erantzuten eta bizi-baldintzak hobetzeko ez du balio, ez gutxieneko soldatak ezta gehiegizko lanaldiak hobetzeko ere".
Hala, Lakuntzak adierazi dio bere sindikatua prest dagoela duen "mobilizazio gaitasuna erabiltzeko gutxieneko soldata propioaren, lanaldi murrizketen eta pentsio duinen alde".
LABen aldetik, berriz, Garbiñe Aranburu koordinatzaile orokorra eta Ainhize Muniozguren Idazkaritza Juridikoko arduraduna batzartu dira Diazekin. Horiek ere, sindikatuak Bilbon duen egoitzan batzartu dira.
Ondoren zabaldutako oharrean, LABek zehaztu du lanbide-arteko gutxieneko soldata eta etxeko langileen lan-hitzarmena izan dituztela hizketagai nagusi, eta lan-harremanetarako euskal esparruaren aldeko urratsak eskatu dizkiotela Lan Ministerioari.
Euskal Herrian aste honetan lanean hildako laugarren langilearen heriotza gogoratuz eta egoeraren larritasunaz ohartaraziz hasi dute bilera LABeko ordezkariek. Hildako horiek patronalaren eta erakundeen utzikeriaren ondorio direla esan diote, eta prebentzio-neurriak kontrolatzeko mekanismoak lehenbailehen ezartzeko eskatu.
Bere aldetik, egiten ari den lan sindikala eskertu dio ministroak ELAri eta hitz eman dio bere aldarrikapenak aintzat hartuko dituela. LABeko ordezkariei ere mezu bera helarazi die, eta gaur abiatutako harremanari eusteko borondatea erakutsi.
Sindikatuen lana inoiz baino beharrezkoagoa dela ere esan du Diazek, bereziki, "populismo berriaren estrategia neoliberalaren" helburua langileriaren defentsan ari diren sindikatuak suntsitzea denean.
Albiste gehiago ekonomia
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.
Zenbateko potentzia elektrikoa behar du Euskadik?
Industria, Trantsizio Energetiko eta Jasangarritasun Sailak 6.000 MW gehiago eskatu ditu bere sarean, helburu industrialak eta deskarbonizazioa betetzeko.
Eusko Jaurlaritzak eta banku-erakundeek gazteentzako lehen etxebizitza eskuratzeko abalen programa jarri dute abian
Kutxabankekin, Laboral Kutxarekin eta Abancarekin ekin zaio programari, oraingoz lankidetza-hitzarmena sinatu dutenekin; baina, zabalik da erakunde gehiagok bat egin ahal izango dutela aurreikusten da. Finantzatu beharreko etxebizitzen erosketa-prezioa ezin izango da 340.000 eurotik gorakoa izan.
Albiste izango dira: Ustelkeriaren aurkako txostena Nafarroan, sare elektrikoari buruzko bilera Madrilen eta Venezuelako ontzi bati erasoa
Gaurkoan Orain-en albiste izango direnen laburpena, bi hitzetan.
Euskal gehiengo sindikalak pentsiodunen mobilizazioarekin bat egin du Herri Ekimen Legegilea izapidetzea eskatzeko
ELA, LAB, ESK, Steilas, Hiru eta Etxalde ere mobilizatuko dira irailaren 20an EAJri eta PSE-EEri beren jarrera "zuzentzeko" eta gutxieneko pentsioa gutxieneko soldatarekin parekatzeko ekimena izapidetzea eskatzeko.
Euskadiko inbertsio elektrikoa aztertzeko bilera izan du Jauregik Espainiako Energia idazkariarekin
Joan Groizard Energiaren Estatu idazkariarekin batzartu da Jauregi, 2025-2030 aldirako elektrizitatea garraiatzeko sarea planifikatzeko proposamenaren barruan sare elektrikoetan egingo den inbertsioari buruz eta horrek Euskadin izango duen eraginaz mintzatzeko.
Abian da siderurgiako mahai sektoriala, muga-zergen eraginaren diagnosi partekatua egin eta laguntza-bideak aztertzea xede dituela
Mahaiaren lehen bileran, Mikel Jauregi sailburuak sektore siderurgikoarekiko erakundeen konpromisoa nabarmendu du. Azaldu duenez, sektore horrek nazioarteko merkataritzarekiko esposizio handia du, eta funtsezkoa da Euskadiko egitura esportatzailean, eta Trumpek ezarritako % 50eko muga-zergek sektorearen lehiakortasuna kolokan jarri dute.