Euskal ekonomia boskoiztu egin da 4 hamarkadatan
Euskadiko Autonomia Erkidegoak sortutako barne produktu gordina (BPG) bost aldiz biderkatu da azken 40 urteetan eta 100.000 milioira gerturatzen ari da igande eta astelehen honetan argitaratuko den EITB Data azterlanaren arabera.
Pertsonako aberastasuna (BPG per capita), berriz, zortzi aldiz biderkatu da biztanleria modu apalagoan joan delako hazten. 1985ean 5.591 €-koa bazen, 2024an 43.674 €-koa izan da. Hazkunderik handiena 1985 eta 2005 artean izan zen eta aberastasunaren handitzean eragina izan zuen, besteak beste, euroa indarrean sartzeak. Ondorengo urteetan ere hazten joan da, baina maila leunagoan.
EAEn dauzkagun sektore ekonomikoak kontuan hartuta, aberastasunik handiena zerbitzuenak sortzen du. Sektoreak garapen handia bizi izan du eta zati handi bat industriari zerbitzua emateaz arduratzen da.Industriak, berriz, pisua galdu du urte hauetan guztietan.
Nazioartekotzea da euskal ekonomiak urte hauetan lortu duen beste ezaugarri bat. 1990. urtetik, esportazioak bederatzi aldiz biderkatu dira. Gaur egun, ekoizten denaren % 53,6 Europara edo munduko beste herrialde batzuetara bidaltzen da. Industria da gehien esportatzen duen sektorea; % 94 industriako produktuak dira. Zerbitzuen alorrean oso gutxi esportatzen da.
Enpleguaren garapena
Ekonomiaren garapenarekin batera, enplegagarritasuna hobetzen joan da. 1985ean lan egiteko adinean zeuden (20 eta 64 artean) pertsonen % 50ek soilik zeukan ordaindutako lanpostu bat. 2024an datu hori % 76koa da.
Emakumea lan munduan sartu eta egonkortzeak ere izan du eragina. Izan ere, emakumeen okupazio tasa % 31tik % 72ra igaro da 40 urtetan.
Enpleguaren kasuan ere zerbitzuen sektorea da jende gehien biltzen duena. Hamarretik zazpi sektore honetan aritzen dira gaur egun eta 1985ean, 10etik 5 ziren. Gutxi gora behera, 412.000 langile irabazi ditu sektoreak urte hauetan. Kontrako aldean dago industria: langileen % 41 izatetik % 20 izatera igaro da.
Lau hamarkada hauetan, enplegu publikoan ere hazkundea nabaritu da: 89.500 pertsona gehiago ditu. Urtean % 2,9ko hazkundea izan ohi du, enplegu pribatua % 1,1 hazten den bitartean.
Albiste gehiago ekonomia
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.
Donostian, 60 metro koadroko pisu baten alokairua 800 eurokoa izango da gehienez jota
Gipuzkoako erreferentziazko prezioen indizea Estatuko Aldizkari Ofizialean argitaratu ondoren, asteazken honetan indarrean sartuko da Gipuzkoako udalerri tentsionatuetan alokairuen prezioa mugatzeko aukera ematen duen araua. Irunen, 60 metro koadroko etxebizitza bat alokatzeko ezingo da 624 euro baino gehiago eskatu.
Jaurlaritzak hamarren bat igo ditu hazkunde-aurreikuspenak: % 2,2koa izango da aurten, eta % 1,9koa 2026an
Mikel Torres lehendakariorde eta Ekonomia, Lan eta Enplegu sailburuak adierazi duenez, Euskadik "ekonomia indartsua du, etorkizuneko erronkei aurre egiteko prest dago, eta nazioarteko edozein ziurgabetasunen aurrean egokitzeko gaitasuna du". Hazkunde horren gakoa barne-eskaria izango da.
Gipuzkoako erreferentziazko prezioen indizea argitaratu dute, asteazkenetik aurrera alokairuak mugatzeko
Donostian, Irunen, Errenterian, Lasarte-Orian eta Zumaian izango du eragina. Hileko errenta zehazteko, hainbat datu sartu beharko dira, hala nola katastroko erreferentzia eta higiezinaren helbidea, energia-ziurtagiria, planta eta kontserbazio-egoera. Horrela, higiezin horri aplikatu beharreko alokairu-prezioen tarte objektibo bat lortuko da.
BBVAk iragarri du azaroan akzio bakoitzeko 0,32 euroko dibidendua emango duela
Erakundearen "historiako dibidendu altuena" da, eta akzioen trukean parte hartuko duten Sabadell bankuko akziodunek ere jasoko dutela ziurtatu du bankuak.