489 zordun handik ia mila milioi euro zor dizkiete Bizkaiko, Arabako eta Gipuzkoako Foru Ogasunei
Hiru lurraldeetako Foru Aldundiek zordun handien zerrendak argitaratu berri dituzte. Bizkaian, Jabyer Fernandezek sortutako Afer enpresa da zerrendaburu, eta Gipuzkoan, berriz, Juan Miguel eta Jose Ramon Osinalde Echaniz anaiak (40,5 milioi euroko zorra banarekin). Araban, zordun handien kopuruak gora egin du.
2024ko abenduaren 31ra arteko zordun handien zerrendak argitaratu dituzte astelehen honetan Bizkaiko, Gipuzkoako eta Arabako Foru Aldundiek. Horien arabera, 489 zordun handi daude hiru lurraldeetan, eta ia mila milioi euro zor dizkiete EAEko ogasunei.
Bizkaia
Bizkaian, guztira 347 zergadunek ia 595 milioi euro zor dizkiote Foru Ogasunari. Zorraren bolumenari dagokionez, Bizkaian, zerrendaburu dira Jabyer Fernandezek sortutako Habidite enpresa (Afer taldekoa, 63 milioitik gorako zorrarekin) eta Iurbenor Promociones SA.
Alzola familiako hainbat kidek ere dirutza zor diote Bizkaiko fiskoari: 45 milioitik gora, guztira. Bizkaiko Ogasunarekin zorra handia dutenen artean daude: Versus 07 (40,2 milioi), Residere Proyectos (39,9 milioi), GM Fuel Tank (35,4 milioi) eta Moldis Echarro SL., besteak beste.
Bizkaiko Foru Ogasunaren Iruzur Fiskalaren aurka Borrokatzeko Planean jasota dago zerrenda, eta iruzur fiskala saihestea eta herritarren kontzientzia fiskal kolektiboa indartzea du helburu.
Gipuzkoa
Gipuzkoako Foru Ogasunak ere altxor publikoarekin zor handiak dituzten zergadunen zerrenda argitaratu du. Zerrenda horretan 82 zordun daude (600.000 eurotik gorako zorra zuten pertsona fisiko edo juridikoak), eta guztira 203 milioi euroko zorra dute.
Juan Miguel eta Jose Ramon Osinalde Echaniz anaiek dute zor-kopururik handiena, 40,5 milioi euroko zorra bakoitzak; Fagor Etxetresnak enpresak ia 14,6 milioi euro zor dizkio Ogasunari; eta Tecfrindus enpresak, sei milioi euro.
Foru Ogasuneko iturriek azpimarratu dutenez, "zordunak zerrendatik ateratzeko arrazoi nagusia ez da zorra ordaintzea, horretarako legez ezarritako epea igaro ondoren zorra hori kobratzeko administrazioak dauzkan aukera guztiak agortu direla baizik".
Araudiaren arabera, zerrenda hori datorren urtean berrituko da, 2025eko abenduaren 31 erreferentzia gisa hartuta.
Araba
Araban, 60 zordun handik 168 milioi euro zor dizkiote Ogasunari. Zordun horien herenak zor osoaren % 64 pilatzen du, eta erdiak hartzekodunen konkurtso prozeduretan sartuta daude edo egon dira.
2023ko abenduaren 31rekin konparatuta, zordunen kopuruak gora egin du Araban, lehen 53 zeudelako.
Astelehen honetan argitaratutako zerrendan 7 zordun fisikoren izena, abizenak eta NAN zenbakiak argitaratu dituzte, guztira, 27 milioi euroko zorra baitute.
Zordunen zerrendan honako enpresa hauek daude: Goya 79 SL (20 milioi), Eguren Vitoria (12,9 milioi), Ros Casares Centro de Acero SL (21,2 milioi), Urco Urbasa UT (11,4 milioi) eta Grupo IIcarcris SPE SL (9,3 milioi).
Ekonomiari buruzko albiste gehiago
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.