Arcellor Mittalek atzera bota du Legasa eta Aguraingo fabrikei eragingo zien enplegu-erregulazioko espedientea
Nafarroako Lan Auzitegian egin duten bitartekaritza saioan eman du jakitera erabakia zuzendaritzak. Legasako fabrikan gehiengoa duen UGT sindikatuak bertan behera utzi du deituta zegoen greba.
Eenplegu-erregulazioko espedientearen harira egindako protestak.
Arcelor Mittalen zuzendaritzak bertan behera utzi du Legasako (Nafarroa) eta Aguraingo (Araba) lantegiei eragingo zien enplegu-erregulazioko espedientea, astelehen honetan iragarri duenez. Ondorioz, uztailaren 1etik aurrera egitekoa zen greba mugagabea ere bertan behera gelditu da.
Nafarroako Lan Auzitegian elkartu dira zuzendaritza eta parte soziala astelehen honetan, greba deialdiaren harira bitartekaritza saio bat egiteko. Zuzendaritzak bertan jakinarazi du EEEa atzera botatzeko erabakia, Legasako lantegian gehiengoa duen UGT sindikatuak jakinarazi duenez.
Sindikatuek greba mugagabea deitzea erabaki zuten, negoziazio-mahaiaren azken bileraren ostean. Bilera horretan, Arcelor Mittalek amaitutzat eman zuen EEEaren negoziazioa, akordiorik gabe, eta iragarri zuen Legasako zentrotik kaleratuko zituzten 33 langileei legezko gutxieneko kalte-ordaina emango zitzaiela, erretiroa aurrez hartzeko eta lekualdatzeak egiteko aukerarik gabe. Greba asteazkenean, uztailaren 1ean, zen hastekoa.
UGTren iritziz, EEEa atzera botata enpresak “tazituki onartzen du negoziazio-mahaiko negoziazioan aho batez adierazitakoa: enpresaren aldebakarreko erabakiak Nafarroako zentroko langileei bakarrik eragiten ziela; izan ere, beste zentroarentzat (Agurain) plantilla handitzea ahalbideratuko zion inbertsio-plan bat egingo baitzen”.
Zuzendaritzaren iragarpenaren ondoren, UGTk greba mugagabea bertan behera uztea erabaki du. Baina azpimarratu du taldeak Legasan duen zentrorako enplegu-erregulazioko espedientea aurkeztuz gero, "langile guztien interesak defendatzen jarraituko” duela, "negoziazioan zehar inolako aukerarik baztertu gabe, enpleguari eta industria-jarduerari eustea bermatzeko helburuarekin".
Ekonomiari buruzko albiste gehiago
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.