EAEko lan-absentzien % 75 aldi baterako ezintasunak dira eta ez absentismoa, LABen txosten baten arabera
Sindikatuak salatu du “iruzur masiboa” ez dela absentismoa, baizik eta gaixotasun profesionalak gaixotasun arrunt gisa izendatzea.
EAEko lan-absentismoaren inguruan Ipar Hegoa fundazioak, LABen aginduz, egin duen txosten baten arabera, patronalak absentismotzat jotzen duen zati handiena aldi baterako ezintasunak dira, lan-absentzien % 75, eta % 11,7 gurasotasun baimenak dira, eta % 0,4 ordu sindikalak.
Ikusmira 21 txostena gaur aurkeztu dute, Bilbon, Inko Iriarte LABeko Lan Osasuneko arduradunak eta Edurne Larrañaga Analisi arduradunak.
Inko Iriartek azpimarratu duenez, “Euskadin arrazoirik eman gabe lanera joaten ez diren pertsonen kopurua hutsaren hurrengoa da, “absentismo tasatzat jotzen denaren ia %100a aldi baterako ezintasunari, guraso edo zaintza baimenei, eta ordezkarien ordu sindikalei baitagokio”.
Hori dela eta, nabarmendu du “patronalak absentismotzat jotzen dituen egunak langileek lan osasunarekin, baimenekin edo ordu sindikalekin lotuta dituzten eskubideei” dagokiela.
Iriarteren arabera, txostenak agerian uzten du “absentismoa deitzen dioten kontzeptu horren atzean dagoen errealitatea oso desberdina dela esaten dutenarekin alderatuta”, baina “patronalak langileen eskubideak murrizteko” eta “enpresen prebentzio sistemen hutsuneak ezkutatzeko” erabiltzen du.
Txostenean Osalanen datuak ere aipatzen dira prebentzio sistemak huts egiten duela frogatzeko, izan ere, laneko osasunaren erakundeak zabaldu zuenez, “2025eko apirilean % 8,8 igo zen gaixotasun profesionalen kopurua”.
Mutuak, konplizeak
Gaixotasun mota hori igo egin den arren, “prebentzio zerbitzuek geroz eta gutxiago” ematen omen dute horien berri. Horren harira, LABen arduradunak uste du “mutuek jokabide aktiboa” dutela “enpresen interesen defentsan”, izan ere, “gaixotasun profesionalak gaixotasun arrunt gisa sailkatzen dituzte, langilearen kaltetan”.
“Hori da benetako iruzur erraldoia”, azpimarratu du Iriartek, “eta ez langileena, patronalena eta mutuena baizik”: “Hor dago iruzurra, gaixotasun profesionalak arrunt gisa sailkatzean”.
Ikerketak agerian uzten du, era berean, “langile askok” ez dituztela egikaritzen eskubideak, ez dituztela baimenak hartzen, “enpresaren erantzuna saihesteko”. “Absentismoaz ari diren bitartean, errealitate horrek hor jarraitzen du osasunarentzat eta lan harremanentzat ondorio larriak dituen arren”, gehitu du.
Ekonomiari buruzko albiste gehiago
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.